«ەپيدەميالىق انامنەزدە ناۋقاستاردىڭ 47,3%-ى ادام كوپ جينالاتىن ورىندارعا (قوعامدىق تاماقتانۋ نىساندارى, بازارلار, ساۋدا ۇيلەرى مەن ويىن-ساۋىق ورتالىقتارى جانە ت.ب.) بىرنەشە رەت بارعانىن اتاپ وتكەن, ناۋقاستاردىڭ 0,8%-ى بۇقارالىق ءىس-شارالاردى (ۇيلەنۋ تويلارى, كەشتەر, ەسكە الۋ, اكتسيالار, ۇتىس ويىندارى جانە ت. ب.) وتكىزۋگە قاتىسقان, ال 29,2%-ى ءۇي جاعدايىندا ساقتىق شارالارىن جاساماعاندىقتان اۋىرىپ قالعان.
كوروناۆيرۋس ينفەكتسياسى بويىنشا تۇراقسىز جاعدايعا بايلانىستى وتباسىلىق, ەستەلىك ءىس-شارالاردى, فورۋمداردى, كونفەرەنتسيالاردى, سەمينارلاردى, جينالىستاردى, اكتسيالاردى, ۇتىس ويىندارىن (ونلاين فورماتتى قوسپاعاندا) جانە ت. ب. قوسا العاندا, بۇقارالىق ءىس-شارالاردى وتكىزۋگە تىيىم سالىنادى», دەدى س.بەيسەنوۆا ەلوردا اكىمدىگىندە وتكەن ءباسپاسوز ءماسليحاتىندا.
ايتا كەتەيىك, مامىر ايىنىڭ باسىمەن سالىستىرعاندا 100 مىڭ تۇرعىنعا شاققانداعى اپتالىق سىرقاتتانۋ كورسەتكىشى 210-نان 110-عا دەيىن تومەندەدى. ءبىر اپتادا سOVID-19 بويىنشا 1315 جاعداي تىركەلدى, سىرقاتتانۋ كورسەتكىشى الدىڭعى اپتادان 18%-عا تومەن.
