جۋىردا عانا قازاقستان ازاماتتىعىن الىپ, لاتۆيادا وتكەن الەم چەمپيوناتىندا ۇلتتىق قۇراماداعى دەبيۋتىن جاساعان ۆيكتور سۆەدبەرگ الداعى ماۋسىمنان باستاپ ماسكەۋدىڭ تسسكا كلۋبىندا ونەر كورسەتەتىن بولدى. كەلىسىمشارت 3 جىلعا جوسپارلانعان. كەيىنگى ءۇش ماۋسىمنان بەرى «بارىس» كلۋبىندا ويناعان قورعاۋشى قحل-دا 84 ماتچ وتكىزىپ, 22 (6+16) ۇپاي جيناعان.
سونداي-اق ۇلتتىق قۇرامانىڭ تاعى ءبىر ويىنشىسى لەونيد مەتالنيكوۆ تە مانسابىن رەسەيلىك كلۋبتا جالعاستىراتىن بولدى. وسكەمەن حوككەي مەكتەبىنىڭ تۇلەگى ەندى ۆلاديۆوستوكتىڭ «ادميرال» كلۋبىنىڭ نامىسىن قورعايدى. ايتا كەتەيىك, مەتالنيكوۆ بىلتىر جەلتوقسان ايىندا جاراقات الىپ, ۇزاق ۋاقىتقا قاتاردان شىعىپ قالعان بولاتىن. وسى جاراقاتىنىڭ سالدارىنان ول ريگاداعى الەم چەمپيوناتىنا دا قاتىسا المادى.
