ايماقتار • 08 ماۋسىم، 2021

ەمتيحاندا وقۋشىلاردىڭ زارداپ شەگۋىنە قاتىستى قىزمەتتىك تەكسەرىس باستالدى

11 رەت كورسەتىلدى

«نازارباەۆ زياتكەرلىك مەكتەپتەرى» ۇيىمى ەلوردادا ەمتيحان بارىسىندا ۋلتراكۇلگىن شامداردىڭ قوسۋلى قالعاندىعىن راستادى، دەپ حابارلايدى Egemen.kz.

«نازارباەۆ زياتكەرلىك مەكتەپتەرى» اۆتونومدى ءبىلىم بەرۋ ۇيىمى 2021 جىلدىڭ 7 ماۋسىمىندا زياتكەرلىك مەكتەپتە حالىقارالىق باكالاۆرياتقا ەمتيحان تاپسىرۋ بارىسىندا باكتەرياعا قارسى شامنىڭ قوسۋلى كۇيدە قالعانىن راستايدى. قازىرگى ۋاقىتتا اتالعان فاكتى بويىنشا قىزمەتتىك تەكسەرۋ ءجۇرىپ جاتىر. كىنالىلەردىڭ بارلىعى جازالانادى»، دەلىنگەن نازارباەۆ زياتكەرلىك مەكتەپتەرى ۇيىمى تاراتقان اقپاراتتا.

ءبىلىم بەرۋ ۇيىمىنىڭ اتاپ وتۋىنشە، 8 ماۋسىم كۇنى مەديتسينالىق تەكسەرۋدەن ءوتۋ ءۇشىن بارلىق بالا ەمتيحاننان بوساتىلعان. بالالاردى ەمدەۋ جانە وڭالتۋعا بايلانىستى بارلىق شىعىندى اۆتونومدى ءبىلىم بەرۋ ۇيىمى وتەيتىن بولادى.

«بارلىق زياتكەرلىك مەكتەپتە باكتەرياعا قارسى شامداردى پايدالانۋ بويىنشا قوسىمشا نۇسقاۋلىق جۇرگىزىلەدى»، دەپ اتاپ وتەدى ۇيىمنان.

ايتا كەتەيىك، ەلوردادا وقۋشىلار ەمتيحان كەزىندە قوسۋلى كۆارتس استىندا وتىرعانىن، 4 بالا اۋرۋحاناعا جەتكىزىلگەنىن حابارلاعان ەدىك.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار