پارلامەنت • 08 ماۋسىم، 2021

سەنات ينكليۋزيۆتى ءبىلىم بەرۋ ماسەلەلەرىن تالقىلادى

63 رەت كورسەتىلدى

سەناتتىڭ الەۋمەتتىك-مادەني دامۋ جانە عىلىم كوميتەتىندە پارلامەنت دەپۋتاتتارىنىڭ باستاماسىمەن ازىرلەنگەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ينكليۋزيۆتى ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى، دەپ حابارلايدى Egemen.kz.

زاڭ جوباسىندا ينكليۋزيۆتى جانە ارنايى ءبىلىم بەرۋدىڭ نورماتيۆتىك قۇقىقتىق بازاسىن جەتىلدىرۋ، سونداي-اق ەلىمىزدىڭ زاڭناماسىن ادام قۇقىقتارىنىڭ جالپىعا بىردەي دەكلاراتسياسى جانە مۇگەدەكتەردىڭ قۇقىقتارى تۋرالى كونۆەنتسيا قاعيداتتارىنا سايكەس كەلتىرۋ جونىندەگى مىندەتتەر شەشىلەتىن بولادى.

وسى زاڭدى قابىلدانعان كەزدە ەرەكشە قاجەتتىلىكتەرى بار بالالاردى وقىتاتىن ۇيىمدار ءبىلىم بەرۋ باعدارلامالارىن ءبىلىم الۋشىلار مەن تاربيەلەنۋشىلەردىڭ جەكە دامۋ ەرەكشەلىكتەرىنە جانە الەۋەتتى مۇمكىندىكتەرىنە سايكەس بەيىمدەۋى ءتيىس.

ء«بىزدىڭ ەلىمىزدە ەرەكشە ءبىلىم بەرۋ قاجەتتىلىكتەرى بار 162 مىڭنان استام بالا نەمەسە بالالاردىڭ جالپى سانىنىڭ 2،7%-ى ءبىلىم بەرۋ پروتسەسىنە ەرەكشە كوزقاراستى تالاپ ەتەدى. زاڭ جوباسى ەرەكشە قاجەتتىلىكتەرى بار ادامدارعا ءبىلىم بەرۋ سالاسىنداعى نەگىزگى نورماتيۆتىك-قۇقىقتىق اكت بولىپ تابىلادى جانە ونى قابىلداۋ ينكليۋزيۆتى ءبىلىم بەرۋدى ساپالى جۇزەگە اسىرۋ ءۇشىن بارلىق قاجەتتى جاعدايلاردى جاساۋعا مۇمكىندىك بەرەدى»، دەدى كوميتەت حاتشىسى ناريمان تورەعاليەۆ.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار