وبلىستىق پد-نىڭ مالىمەتىنشە, پوليتسەيلەر قوستاناي قالاسىندا ءوتىپ جاتقان «قاراسورا-2021» جەدەل الدىن الۋ شاراسى اياسىندا «ۆاز-21099» كولىگىن توقتاتقان. كولىكتى تەكسەرۋ بارىسىندا ارتقى ورىندىقتان وسىمدىك ءتارىزدى زات سالىنعان ەكى پوليەتيلەن قاپشىق تابىلعان. ءتارتىپ ساقشىلارى كۇماندى قاپشىقتى تاركىلەنىپ الىپ, ساراپتاماعا جىبەرەدى.
«حيميالىق-سوت ساراپتاماسىنا سايكەس, قاپشىقتىڭ ىشىندەگى بەلگىسىز زاتتاردىڭ ماريحۋانا ەكەنى انىقتالدى. ەكى قاپشىققا سالىنعان ەسىرتكىنىڭ جالپى سالماعى 80 كيلونىڭ ۇستىندە», دەدى وبلىستىق پد ەسىرتكى قىلمىسىنا قارسى كۇرەس باسقارماسىنىڭ باستىعى, پوليتسيا پولكوۆنيگى اسىلبەك الماعامبەتوۆ.
قازىر كۇدىكتى قاماۋعا الىنىپ, وعان قاتىستى سوتقا دەيىنگى تەرگەۋ شارالارى باستالدى.
باسقارما باسشىسىنىڭ ايتۋىنشا, وبلىستا جىل باسىنان بەرى 95 كيلو ماريحۋانا جانە 449 گرامم سينتەتيكالىق ەسىرتكى زاتتارى زاڭسىز اينالىمنان الىنعان.
