ەلوردا • 08 ماۋسىم، 2021

ەلوردا قازاقىلانىپ كەلەدى – التاي كولگىنوۆ

78 رەت كورسەتىلدى

ەلوردا اكىمى التاي كولگىنوۆ «Egemen Qazaqstan» گازەتىنە بەرگەن سۇحباتىندا قالانىڭ رۋحاني دامۋى، قازاقىلانۋى باعىتىندا اتقارىلىپ جاتقان جۇمىستار تۋرالى ايتتى، دەپ حابارلايدى Egemen.kz.

ەلوردا قازاقىلانباي، ەل قازاقىلانبايدى. قالانى قازاقىلاندىرۋ ءۇشىن ەڭ الدىمەن تىلدىك ورتا كەرەك دەيتىن بولساق، وندا جىل سايىن اۋىلداردان كەلىپ قونىستانىپ جاتقاندار كوپ. الايدا اۋلادا، كوشەدە بالالاردىڭ وزگە تىلدە سويلەيتىنىنە كۋا بوپ ءجۇرمىز.

وسى ورايدا قالا اكىمدىگى تاراپىنان جالپى ۇلت رۋحانياتىنا قاتىستى قانداي شارۋالار اتقارالىپ جاتىر؟ دەگەن ءجۋرناليستىڭ سۇراعىنا باس شاھاردىڭ اكىمى التاي كولگىنوۆ جاۋاپ بەردى.

«مەملەكەت تاراپىنان اتقارىلىپ جاتقان جۇمىستار تۋرالى ايتسام، ناعىز رۋحاني جاڭعىرۋدى باسىمىزدان وتكەرىپ جاتىرمىز دەسەك، ارتىق ايتقانىمىز ەمەس. ەلورداداعى جاڭا كوشەلەرگە ءابىش كەكىلباي ۇلى، فاريزا وڭعارسىنوۆا ەسىمدەرى بەرىلسە، قالاداعى بىرنەشە مەكتەپ ۇلت زيالىلارىنىڭ اتىمەن اتالا باستادى»، دەدى التاي كولگىنوۆ.

اكىمنىڭ ايتۋىنشا، بىلتىر وقۋ ورىندارىنا احمەت بايتۇرسىن ۇلى، بەيىمبەت مايلين، شاكارىم قۇدايبەردى ۇلى، جۇمابەك تاشەنوۆ، ءماشھۇر ءجۇسىپ، ءىلياس جانسۇگىروۆ، مىرجاقىپ دۋلات ۇلى، ءاليحان بوكەيحان، ساكەن سەيفۋلليندەردىڭ ەسىمدەرى بەرىلدى.

بيىل دا ۇلت زيالىلارىنىڭ ەسىمدەرى جاڭا مەكتەپتەرگە بەرىلۋى ءۇشىن رەسپۋبليكالىق ونوماستيكالىق كومميسيانىڭ شەشىمىن كۇتىپ وتىر ەكەن.

«بۇل وسكەلەڭ ۇرپاققا وتە قاجەت دۇنيە. الەم ۇستازدارىنىڭ ءبىرى ءال-فارابي مەن ۇلى ابايدىڭ مەرەيتويلارى دا كارانتين تالاپتارى ساقتالا وتىرىپ اتاپ ءوتىلدى. اس تا توك توي تويلايتىن ەمەس، تاعىلىم الىپ وي ويلايتىنداي ەتىپ وتكىزىلدى دەپ ەسەپتەيمىن. پاندەمياعا دەيىن ۇلتتىق ونەرىمىز – ايتىس تۇراقتى بولىپ تۇردى. ەلوردا اقىن-جازۋشىلارى باس قوساتىن «جازۋشىلار ءۇيى» جازۋشىلار وداعىنىڭ استانالىق بولىمىنە بەرىلدى»، دەيدى ەلوردا اكىمى.

سونىمەن قاتار التاي كولگىنوۆ بۇگىندە وندا قالا زيالىلارى ءتۇرلى كەزدەسۋلەر وتكىزىپ، ۇلت رۋحانياتىنا ءوز ۇلەسىن قوسىپ جاتقانىن تىلگە تيەك ەتتى.

«وڭ جاعالاۋدا «قالامگەرلەر اللەياسى» اشىلدى. ول جەردە اسىلدارىمىز، ءۇش بايتەرەك – ءىلياس، ساكەن، بەيىمبەت ەسكەرتكىشتەرى تۇر. ەندىگى كەزەكتە وسى جەردە ۇلت زيالىلارى، الاش قايراتكەرلەرى مىرجاقىپ دۋلاتوۆ، ءاليحان بوكەيحان جانە احمەت بايتۇرسىن ۇلىنا ەسكەرتكىشتەر اشۋ جوسپارى بار. بۇل ۇلت ساناسىن جاڭعىرتۋ جولىندا وتە ماڭىزدى قادام دەپ بىلەمىز. كۇنى كەشە، 8 مامىر كۇنى ەلوردانىڭ تۋماسى، داڭقتى باتىر، ۇشقىش تالعات بيگەلدينوۆتىڭ ەسكەرتكىشى اشىلدى»، دەيدى ول.

بۇدان وزگە، اكىم بيىل ىبىراي التىنسارين، دينا نۇرپەيىسوۆا، قانىش ساتباەۆ سىندى ۇلت ارداقتىلارى دا ۇمىتىلمايتىنىن جانە جاقىندا تاعى دا 40-تان استام كوشەنىڭ اتاۋى اۋىسقانىن باسا ايتتى.

سوڭعى جاڭالىقتار

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار