«جۋرناليستيكا فاكۋلتەتىنە كوبى ارمان قۋىپ تۇسەتىنىن ەسكەرسەك, بۇل جان اۋىرتاتىن ماسەلە. تۇلەكتەردىڭ جارتىسىنا جۋىعىنىڭ جۇمىسقا ورنالاسپاۋى ءبىزدى وتە قاتتى مازالايدى.
بۇل ماسەلە جوعارى وقۋ ورىندارىنىڭ باسشىلىق قۇرامىمەن جانە وتاندىق باق-پەن كەزدەسۋلەردە تالاي رەت كوتەرىلىپ, تالقىلاندى. تاجىريبە مەن پىكىر الماسۋ قورىتىندىسى بويىنشا ستۋدەنتتەردى وندىرىستىك پروتسەسكە كوبىرەك تارتىپ, پراكتيكالىق داعدىلارىن دامىتۋ قاجەت دەگەن توقتامعا كەلدىك.
مەديا سالانىڭ ماماندارىن وقىتۋ جونىندەگى ارنايى جوسپار اياسىندا وتاندىق باق-تا تاجىريبە مەن تاعدىلىمداما ۇيىمداستىرۋ جوسپارلانىپ وتىر. اتالعان جۇمىس مەملەكەتتىك باق جانە جوعارى وقۋ ورىندارىمەن بىرلەسىپ جۇرگىزىلەدى.
بۇعان قوسا, جوعارى وقۋ ورىندارىمەن بەكىتىلگەن مەموراندۋم اياسىندا ستۋدەنتتەر اراسىندا ولاردى كەلەشەكتە جۇمىسقا ورنالاستىرۋ ماقساتىندا كاسىپتىك-باعدارلىق جۇمىس جۇرگىزۋ قاراستىرىلىپ وتىر.
ءبىز تەك وسىلاي عانا تۇلەكتەردىڭ سۇرانىسى مەن ىنتا-ىقىلاسىن ارتتىرامىز», دەدى مينيستر.
