ەلىمىزدىڭ ءبىرىنشى راكەتكاسى ايەلدەر اراسىنداعى جارىستىڭ ءۇشىنشى اينالىمىندا رەسەيلىك تەننيسشى ەلەنا ۆەسنينانى ەكى سەتتە قاپى قالدىردى. رەسەيلىك سپورتشى العاشقى سەتتە جەرلەسىمىزگە ەش قارسىلىق كورسەتە المادى – 6:1. ال ەكىنشى سەتتە ۆەسنينا ەلەناعا ءبىراز تايتالاسىپ باقتى. وتانداسىمىز 3:4 ەسەبىمەن جەڭىلىپ جاتىپ, ماتچ سوڭىندا ءبارىبىر 6:4 ەسەبىمەن قارسىلاسىنان ايلاسىن اسىرىپ كەتتى.
ەندى ە.رىباكينا ءتورتىنشى اينالىمدا الەمدىك رەيتينگتە 8-ورىندا تۇرعان ايگىلى امەريكالىق تەننيسشى سەرەنا ۋيليامسپەن شەبەرلىك بايقاسادى. ەكى سپورتشى بۇعان دەيىن كەزدەسپەگەن. ايتا كەتەيىك, رىباكينا ءوز مانسابىندا تۇڭعىش رەت رولان گارروس جارىسىنىڭ ءتورتىنشى اينالىمىنا شىعىپ وتىر.
وكىنىشكە قاراي, زارينا دياس پاريجدەگى ءتۋرنيردى ەكىنشى اينالىمنان سوڭ اياقتاۋعا ءماجبۇر بولدى. وتانداسىمىز ەكىنشى كەزەڭدە WTA تۋرنيرلەرىندە 6 رەت توپ جارعان الەمنىڭ 15-راكەتكاسى بەلگيالىق ەليسە مەرتەنسپەن كەزدەسىپ, تارتىستى وتكەن كەزدەسۋدە 6:4, 2:6, 4:6 ەسەبىمەن قارسىلاسىنا جول بەردى.
