وبلىستىق پد ءباسپاسوز قىزمەتىنىڭ مالىمەتىنشە, بالانىڭ اناسى تۇنگى ەكىلەر شاماسىندا حابارلاسقان. ءوزىنىڭ 11 جاستاعى ۇلىنىڭ بەلگىسىز باعىتقا كەتىپ, قايتا ورالماعانىن جەتكىزگەن. بۇل حابارلامادان كەيىن شاردارالىق پوليتسەيلەر بىردەن جوعالعان بالانى ىزدەپ تابۋ ءۇشىن بارلىق كۇشتى جۇمىلدىرعان. پوليتسيا قىزمەتكەرلەرىنىڭ جەدەل ىزدەستىرۋىنىڭ ارقاسىندا 4-ءشى سىنىپ وقۋشىسى ءبىر تاۋلىك ىشىندە تابىلدى. مەكتەپ وقۋشىسى دوسىنىڭ ۇيىندە ۇيىقتاپ قالعان بولىپ شىقتى.
«قازىرگى تاڭدا 11 جاستاعى بالا ۇيىنە قايتارىلدى. ۇلىمەن امان-ەسەن قاۋىشقان اناسى بالاسىن ىزدەستىرۋگە كومەكتەسكەن پوليتسيا قىزمەتكەرلەرىنە ىزگى ىقىلاسىن ءبىلدىرىپ, العىس ايتتى» دەلىنگەن حابارلامادا.
