ەسكە الۋ جيىنى بارىسىندا 1921 جىلدان 1954 جىلعا دەيىنگى جاپپاي ساياسي قۋعىن-سۇرگىن كەزىندە تەك قوستاناي وبلىسىنىڭ وزىندە 7 مىڭ ادام قۋدالانىپ, ولاردىڭ ەكى مىڭنان استامى اتىلعانى تۋرالى ايتىلدى. سونداي-اق قۋعىن-سۇرگىن جىلدارى اتا-اناسىنان ايىرىلعان بالالاردىڭ تاعدىرى تۋرالى اڭگىمە ءوربىدى.
قوستاناي قالاسىنىڭ تۇرعىنى ۆەرا كوجۋحوۆسكايانىڭ ايتۋىنشا, 1936 جىلى قوستاناي وبلىسىنا پولياك ۇلتىنىڭ وكىلدەرى جەر اۋدارىلىپ كەلگەن. ۆەرا فەدوروۆنانىڭ اتالارى مەڭدىقارا اۋدانىنا تۇراقتاپ قالىپتى.
«مەنىڭ اجەمدى كامەلەتكە تولماعان بالالارمەن بىرگە مادەنيەت ءۇيىنىڭ عيماراتىنا ورنالاستىرىپتى. ۇرەي بيلەپ العان بالالار العاش بۇل جەردى بوتەنسىنىپ, ۇيرەنە الماپتى. بىراق قيىن-قىستاۋ كەزەڭدە ءبىر جاپىراق نانىمەن ءبولىسىپ, قامقورلىق تانىتقان جەرگىلىكتى حالىقتىڭ كەڭ پەيىلىنىڭ ارقاسىندا وسى ولكەگە ءبىرجولا تۇراقتاپ, ءسىڭىسىپ كەتتى», دەدى ۆەرا كوجۋحوۆسكايا.
ميتينگىگە جينالعاندار مەموريالدىق ەسكەرتكىشكە گۇل شوقتارىن قويىپ, ءبىر ساتتىك ۇنسىزدىك جاريالاپ, ساياسي قۋعىن-سۇرگىن قۇرباندارىنىڭ رۋحىنا تاعزىم ەتتى.
