الەۋمەتتىك جەلىلەردە ۇشاق جولاۋشىسى مەن پوليتسەيلەر اراسىنداعى جانجال تۇسىرىلگەن ۆيدەو تالقىلانىپ جاتىر. كادرلاردان بىرنەشە قۇقىق قورعاۋ ورگانى قىزمەتكەرلەرى ەر ادامدى ورنىنان كوتەرۋگە تىرىسقانى كورىنەدى. باسقا جولاۋشىلار بۇل ۋاقىتتا وقيعانى تەلەفونعا ءتۇسىرىپ, اراشا تۇسۋگە تىرىسادى. ايەلدەردىڭ ءبىرى پوليتسەيلەردەن جولاۋشىعا كۇش قولدانباۋدى سۇراعانى ەستىلەدى.
جازبا سيپاتتاماسىندا ەر ادام جۇگىن تىركەمەگەندىكتەن جانجال شىققانى جازىلعان.
«ەر ادامعا بولا الماتىدان نۇر-سۇلتانعا ۇشىپ كەتە الماي وتىرمىز. راستالماعان مالىمەت بويىنشا, جولاۋشى جۇگىن تىركەۋسىز اۋە كەمەسىنىڭ سالونىنا كىرگىزگەن. ول ارتىق تولەم جاساعىسى كەلمەگەن. ەكى ۇلكەن سومكەنى سالونعا كىرگىزۋگە تىرسىتى. كەيىن سۋپەرۆايزەردى يتەرىپ جىبەردى. ءبارىن ۇشاقتان ءتۇسىرىپ, يتتەرمەن تەكسەرۋ جاسادى», دەلىنگەن سيپاتتامادا.
وقيعا 30 مامىردا FlyArystan ۇشاعىندا بولعان.
«جانجال شىعارعان جولاۋشىنى ۇشاقتان شىعارۋعا بايلانىستى رەيستىڭ كەشىگۋى بولدى. جولاۋشىعا تىركەۋ كەزىندە جانە بورتقا وتىرعىزۋ ءراسىمى كەزىندە جۇگىن تىركەمەسە, رەيسكە جىبەرىلمەيتىنى تۋرالى ەكى رەت ەسكەرتىلدى. ويتكەنى تاسىمالداۋ ەرەجەلەرىنە سايكەس بورتقا ءبىر قول جۇگى بار جولاۋشىلار جىبەرىلەدى. بىراق جولاۋشى اۆياكومپانيا قىزمەتكەرلەرى تالابىن ورىندامادى. جولاۋشى اشۋىن كورسەتىپ, قىزمەتكەردى يتەرىپ, بورتقا كىردى.
باسقا جولاۋشىلارعا قولايسىزدىق تۋعىزعانى ءۇشىن وكىنەمىز. الايدا اۆياكومپانيا ەرەجەلەرىن ساقتاماعان جاعدايدا ءبىز اۆياتسيالىق قاۋىپسىزدىك راسىمدەرىن ۇستانۋعا ءماجبۇرمىز. جولاۋشىنى بورتتان شىعارعان كەزدە ءبىز اۋە كەمەسى مەن جولاۋشىلاردى قايتا تەكسەرۋگە ءماجبۇرمىز», دەدى FlyArystan ءباسپاسوز قىزمەتى وكىلى.
