ء«بىز بۇل ماسەلەنى بىرنەشە مارتە كوتەردىك, تاعى دا قايتالاپ ايتامىن. ديرەكتورلارعا, ولاردىڭ ورىنباسارلارىنا, ءبىلىم بولىمدەرى مەن ءبىلىم باسقارمالارىنا ەسكەرتەمىن. مينيسترلىكتىڭ بۇيرىعىندا جوق ەسەپتەردى تالاپ ەتۋ فاكتىلەرى راستالاتىن بولسا, وندا وتە قاتاڭ شارالار قولدانامىز. ونى سىزدەر وقىمايسىزدار دا, وقۋعا دا ەشكىمنىڭ ۋاقىتى جوق. ونىڭ اكەتىپ بارا جاتقان ەشقانداي تيىمدىلىگى دە جوق. بوستان بوسقا ايتەۋىر ەسەپ جيناۋ. دەگەنمەن, مۇنىڭ الدىندا بولعان جاعدايمەن سالىستىرعاندا جەر مەن كوكتەي ايىرماشىلىق بار. بىراق, كەيبىر مەكتەپتەردە ءالى كۇنگە دەيىن مۇنداي فاكتىلەر تىركەلىپ وتىر», دەدى مينيستر.
بۇدان بولەك, مينيستر مۇعالىمدەر وزىنە جۇكتەلگەن قىزمەتپەن عانا اينالىسۋى ءتيىس ەكەندىگىن, قۇزىرەتىنە كىرمەيتىن باسقا جۇمىسقا تارتىلماۋى كەرەكتىگىن ايتتى.
«مۇعالىم ءوزىنىڭ ساباعىن جۇرگىزۋى جانە ونى ساپالى وتكىزۋى ءتيىس. مىنە, ءبىز وسىنى تالاپ ەتۋىمىز قاجەت. بۇل جەردە ەشكىم داۋلاسا المايدى», دەدى اسحات ايماعامبەتوۆ.
