باسقارما باسشىسى الدىمەن ەپيدەميولوگيالىق جاعدايدان حاباردار ەتىپ, تۇرعىندار ساۋالىنا جاۋاپ بەردى. ەفير بارىسىندا تۇرعىندار نەگىزىنەن ۆاكتسينالاۋ, ءدارى-دارمەك الۋ جونىندە ساۋالدارىن جولداپ, تولىققاندى جاۋاپ الدى.
ءبىر ساعاتقا سوزىلعان تىكەلەي ەفير كەزىندە ب. پوزيلوۆ ۆاكتسينالاۋ جۇمىستارىنا ەرەكشە توقتالىپ, قالىپتى ومىرگە ورالۋ ءۇشىن پروفيلاكتيكالىق شارالاردىڭ ماڭىزدىلىعىن اتاپ ءوتتى.
– وتكەن تاۋلىكتە COVID-19 ينفەكتسياسىن جۇقتىرعان 62 جاعداي تىركەلدى. قالاداعى ەپيدەميالىق جاعداي تۇراقتالىپ كەلەدى. بۇگىن قالا «جاسىل» ايماققا ءوتتى. جاعدايدىڭ تۇراقتالۋىنا ەكپە ەگۋ جۇمىستارىنىڭ قارقىندى جۇرگىزىلۋى سەبەپ بولدى. شىمكەنت ەلىمىز بويىنشا ۆاكتسيناتسيالاۋدا العاشقى ۇشتىكتە ورنالاسقان. قالادا 43 ۆاكتسينالاۋ پۋنكتى بار, – دەدى ب. پوزيلوۆ.
ايتا كەتسەك, وتكەن تاۋلىكتە ءوڭىر بويىنشا 2 016 ادام ۆاكتسينا سالدىردى: I كومپونەنت – 858, II كومپونەنت – 1158. ەگۋ ناۋقانى باستالعالى بارلىعى 171 468 ادام ۆاكتسينالاندى. ونىڭ ىشىندە 77 515 ادام ۆاكتسينانىڭ ەكى كومپونەنتىن العان.
