دەپارتامەنتتىڭ مالىمەتىنشە, تاراز قالاسى اۋەجايىنداعى جەلىلىك پوليتسيا بولىمشەسىنىڭ كەزەكشى بولىمىنە ديسپەتچەردەن «نۇر-سۇلتان-تاراز» باعىتىنداعى اۋە رەيسىنىڭ بورتىندا قۇقىقبۇزۋشى بار ەكەندىگى تۋرالى حابارلاما كەلىپ تۇسكەن.
«تەكسەرۋ بارىسىندا ەر ادامنىڭ ماس كۇيىندە ءوزىن اگرەسسيۆتى ۇستاپ, ەكيپاج مۇشەلەرىن بالاعاتتاپ, بورتسەرىكتەردىڭ ەسكەرتۋىنە قۇلاق اسپاعاندىعى انىقتالدى. جولاۋشى اۋە كەمەسى كومانديرىنىڭ اكتىسى بويىنشا رەيستەن ءتۇسىرىلىپ, كەزەكشى بولىمگە جەتكىزىلدى. ول ماڭعىستاۋ وبلىسىنىڭ 48 جاستاعى تۇرعىنى بولىپ شىقتى. مەديتسينالىق كۋالاندىرۋ قورىتىندىسىنا سايكەس, ول «ورتاشا دارەجەدە» ماس كۇيدە بولعان», دەلىنگەن حابارلامادا.
قۇقىقبۇزۋشىعا قاتىستى قر اقبتك-ءنىڭ 440-بابى 1-بولىگىمەن, ياعني ىشىمدىك ءىشۋ نەمەسە قوعامدىق ورىنعا ماس كۇيدە كەلۋ جانە قر اقبتك-ءنىڭ 566-بابى 1-بولىگىمەن, ياعني اۋە كەمەسىندە مىنەز-ق ۇلىق قاعيدالارىن بۇزۋ بويىنشا اكىمشىلىك حاتتامالار تولتىرىلىپ, 8 اەك مولشەرىندە اكىمشىلىك ايىپپۇل سالىندى.
سونىمەن قاتار وعان قاتىستى ۇساق بۇزاقىلىق فاكتىسى بويىنشا دا ءۇشىنشى اكىمشىلىك حاتتاما تولتىرىلىپ, پروتسەسسۋالدىق شەشىم قابىلداۋ ءۇشىن تاراز قالاسىنىڭ مامانداندىرىلعان اۋدانارالىق اكىمشىلىك سوتىنا جولداندى.
