كەلەس اپب كەزەكشى بولىمىنە جەرگىلىكتى تۇرعىنداردىڭ ءبىرى ءوز ۇيىندە قۇرامىندا ەسىرتكى زاتى بار وسىمدىكتەردى زاڭسىز وسىرۋمەن اينالىساتىنى تۋرالى حابارلاما كەلىپ تۇسكەن. اتالعان جايتتى پوليتسەيلەر قر قك-ءنىڭ 300-بابىمەن (قۇرامىندا ەسىرتكى زاتتارى بار, وسىرۋگە تىيىم سالىنعان وسىمدىكتەردى زاڭسىز ءوسىرۋ) سدتبت-عا تىركەدى. جەدەل-ىزدەستىرۋ ءىس-شارالارى بارىسىندا تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ تاجىريبەلى قىزمەتكەرلەرى كەلەس اپب-ءنىڭ قىراعى پوليتسەيلەرىمەن بىرگە جەرگىلىكتى تۇرعىندى ۇستادى.
جەدەل ۋاكىلدەر ەر ادامنىڭ ءۇيىنىڭ اۋلاسىن ءتىنتۋ كەزىندە, ەگىلىپ-كۇتىپ باپتالعان, ەسىرتكى زاتى بار وسىمدىكتى تاپتى. وسىلايشا ءتارتىپ ساقشىلارى, ايعاقتى زات رەتىندە كۇدىكتىدەن 950 ءتۇپ ەسىرتكى زاتىن تاركىلەپ, ولاردى ساراپتاماعا جىبەردى. ساراپتاما قورىتىندىسىمەن الىنعان ەسىرتكى قۇرامىندا ەسىرتكىسى بار جالپى سالماعى 12 كەلىدەن اساتىن كوكنار بولىپ شىقتى.
جەرگىلىكتى تۇرعىن اۋداندىق پوليتسيا بولىمىنە جەتكىزىلدى. تەرگەۋ كۇدىكتىنىڭ زاڭمەن تىيىم سالىنعان ەسىرتكىنى ساتۋ ءۇشىن وسىرگەنىن انىقتادى. ول ءوز كىناسىن تولىق مويىندادى. قازىرگى ۋاقىتتا زاڭسىز ەسىرتكى ەگىپ-ءوسىرۋ دەرەگى بويىنشا سوتقا دەيىنگى تەرگەۋ جۇمىستارى جۇرگىزىلۋدە.
