COVID-19-عا بايلانىستى ەپيدەميولوگيالىق جاعدايىن باعالاۋ ماتريتساسىنا سايكەس, وسكەمەن مەن سەمەي قالالارى اۋرۋشاڭدىق دەڭگەيى جوعارىلاعان ايماقتارعا جاتادى («قىزىل» ايماق).
شەكتەۋ شارالارى بۇكىل شىعىس قازاقستان وبلىسىندا 24 مامىر مەن 6 ماۋسىم ارالىعىندا قولدانىلادى. شەكتەۋ شارالارىنىڭ رەجيمى مەن ۋاقىتى ايماقتاعى COVID-19-دىڭ تارالۋى بويىنشا جاعدايدىڭ وزگەرۋىنە سايكەس قايتا قارالۋى مۇمكىن.
سەمەي قالاسى, بورودۋليحا, شەمونايحا, ءۇرجار, زايسان اۋداندارىنىڭ اكىمدەرى, شىعىس قازاقستان وبلىسىنىڭ دەنساۋلىق ساقتاۋ باسقارماسى, شىعىس قازاقستان وبلىسى بويىنشا مەملەكەتتىك كىرىستەر دەپارتامەنتى, شىعىس قازاقستان وبلىسى پوليتسيا دەپارتامەنتى, سانيتارلىق-ەپيدەميولوگيالىق باسقارمالار قالالار مەن اۋدانداردى باقىلاۋ بويىنشا كەلەسى جۇمىستاردى قامتاماسىز ەتەدى:
- الماتى وبلىسىنان شىعىس قازاقستان وبلىسىنىڭ سىرتقى شەكارالارىنا كىرىپ-شىعاتىن تەرريتوريادا 2 سانيتارلىق بەكەت;
- قاراعاندى وبلىسىنان شىعىس قازاقستان وبلىسىنىڭ سىرتقى شەكارالارىنا كىرىپ-شىعاتىن تەرريتوريادا 1 سانيتارلىق بەكەت;
- «اۋىل», «وبا», «باقتى», «مايقاپشاعاي» (بورودۋليحا, شەمونايحا, ءۇرجار, زايسان) باقىلاۋ-وتكىزۋ پۋنكتتەرىندە قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول, تەڭىز, وزەن بويىنداعى وتكىزۋ پۋنكتتەرىندە 4 سانيتارلىق بەكەت ورناتىلسىن;
وسى قاۋلىنىڭ 2-قوسىمشاسىندا كورسەتىلگەن ءارى راستايتىن قۇجاتتاردى كورسەتكەن ادامداردى قوسپاعاندا, ازاماتتاردىڭ وبلىستىڭ اۋماعىنا (اۋماقتارىنا) كەلۋىنە/شىعۋىنا تىيىم سالىنسىن.
ەرەكشە جاعدايلاردا سانيتارلىق پوستتاردان ادامداردىڭ جەكەلەگەن ساناتتارىنا شىعۋعا جانە كىرۋگە رۇقسات, وسى قاۋلىدا كورسەتىلگەن ساناتتاردى قوسپاعاندا, رۇقسات ەتۋشى قۇجات قالانىڭ/اۋداننىڭ جەرگىلىكتى اتقارۋشى ورگانىنىڭ شەشىمى بويىنشا بەرىلۋى مۇمكىن.
قاۋلى 23 مامىردا كۇشىنە ەنەدى جانە ونىڭ رەسمي كۇشى جويىلعانعا دەيىن قولدانىستا بولادى.
