ماراپاتتاۋ ءراسىمى انكارا قالاسىنداعى تۇركيا ۇلى ۇلتتىق ءماجىلىسىنىڭ عيماراتىندا ءوتتى. ءىس-شاراعا ەلشى ابزال ساپاربەك ۇلى, دەپۋتات رەدجەپ شەكەرمەن بىرگە بىرقاتار دەپۋتاتتار قاتىستى.
ەلشى ابزال ساپاربەك ۇلى ۇلى ابايدىڭ ء«وزىڭ ءۇشىن ەڭبەك قىلساڭ, ءوزى ءۇشىن وتتاعان حايۋاننىڭ ءبىرى بولاسىڭ; ادامدىقتىڭ قارىزى ءۇشىن ەڭبەك قىلساڭ, اللانىڭ سۇيگەن ق ۇلىنىڭ ءبىرى بولاسىڭ» سوزدەرىن ەسكە سالا كەلە رەدجەپ شەكەردىڭ جاساعان ابىرويلى اركەتىنە راقمەتىن ايتىپ, قاسىم-جومارت توقاەۆتىڭ العىس حاتىن تابىستادى.
ءوز كەزەگىندە, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ اتىنان قۇرمەت گراموتاسىمەن ماراپاتتالعان رەدجەپ شەكەر مەملەكەت باسشىسىنا ماراپاتى ءۇشىن تەرەڭ العىسىن ءبىلدىردى. پرەزيدەنتتەن العان قۇرمەت گراموتاسىن قازاق حالقىنان العان العىس رەتىندە قابىلدايتىنان ايتتى.
دەپۋتات ءوز سوزىندە وسىنداي كورسەتىلىپ وتىرعان قۇرمەتتىڭ الداعى ۋاقىتتا باۋىرلاستىققا نەگىزدەلگەن ەكى جاقتى قارىم-قاتىناستىڭ ودان ءارى دامۋىنا سۇبەلى ۇلەس قوسۋىنا تۇرتكى بولاتىندىعىنا توقتالدى.
ايتا كەتكەن ءجون, رەدجەپ شەكەر – تۇۇم-ءنىڭ قارامان قالاسىندا سايلانعان دەپۋتاتى. قارامان قالاسى تۇركيانىڭ ماڭىزدى ساۋدا, مادەني جانە ونەر ورتالىعى. ءارى دەپۋتاتتىڭ دارىگەرلىك قابىلەتى دە بار كورىنەدى.
