قىزىلوردا قالاسىنىڭ ەكى تۇرعىنى وسى جىلدىڭ ءساۋىر ايىندا نەسيە الۋعا جانە وقۋعا تۇسىرۋگە كومەك بەرەمىن دەپ الاياقتىق جولمەن 1 500 000 تەڭگە شىعىن كەلتىرگەن جەرلەستەرىنىڭ ۇستىنەن ارىزدانعان بولاتىن.
تەرگەۋ بارىسىندا ايىپتالۋشى اقيقاتتى بۇرمالاۋعا تىرىسىپ, كوپتەگەن قۇيتىرقى ارەكەتتەرگە بارىپتى. سوعان قاراماستان, تەرگەۋ جۇمىستارى ۇزاققا سوزىلماي, قىلمىستىق ءىس سوتقا جولدانعان. بۇل ىسكە تەرگەپ-تەكسەرۋ جۇرگىزگەن قىزىلوردا قالاسى پوليتسيا باسقارماسىنىڭ تەرگەۋشىسى, پوليتسيا اعا لەيتەنانتى ءازيز بۇحارباي. تەرگەۋ سالاسىندا قىزمەت اتقارعانىنا ءتورت جىل تولعان ءازيز وسى كەزگە دەيىن ول بىرنەشە قىلمىستى اشىپ, حالىقتىڭ العىسىنا بولەنىپ جۇرگەن پوليتسەي. وسى قىلمىسقا تەرگەپ-تەكسەرۋ جۇرگىزىپ, ءىستى سوڭىنا دەيىن اپارىپ ءوزىنىڭ ناعىز مامان ەكەندىگىن تاعى ءبىر مارتە دالەلدەدى.
تاجىريبەلى تەرگەۋشىنىڭ قىزمەتىنە ريزا بولعان تۇرعىندار ونىڭ قۇرمەتكە لايىق ەكەنىن اتاپ ءوتىپ, باسقارما باستىعى نۇرلان اعادىلوۆ پەن باسقارما باستىعىنىڭ تەرگەۋ جونىندەگى ورىنباسارى ساكەن سىزدىققا دا العىسىن ءبىلدىردى.
