ء«بىز ۆاكتسيناتسيادان كەيىن, ءبىرىنشى جانە ەكىنشىسى كومپونەنتتەن كەيىنگى سىرقاتتانۋشىلىققا مىندەتتى تۇردە مونيتورينگ جۇرگىزەمىز. جالپى ەلىمىز بويىنشا ءبىرىنشى كومپونەنتتەن كەيىن اۋرۋدىڭ 541 جاعدايى تىركەلدى. ەكىنشى كومپونەنتتەن كەيىن 104 جاعداي انىقتالدى», دەدى دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا.
ول بۇل اقپاراتتى «دۇرىس ءتۇسىندىرۋ كەرەك» ەكەنىن ايتتى. سەبەبى بۇل ادامدار ينكۋباتسيا كەزەڭىندە - 14 كۇن ىشىندە اۋىرعان.
«ولار جۇقتىرعان سوڭ بارىپ ۆاكتسينا سالدىرعان.ء بىز «سپۋتنيك V»-نىڭ تيىمدىلىگى 92 پايىز ەكەنىن بىلەمىز. قالعان سەگىز پايىزىندا يممۋندىق جاۋاپ بولمايدى دەلىندى.
ستاتيستيكا ۆاكتسيناتسيانىڭ ءتيىمدى ەكەنىن دالەلدەيدى, بىراق ەشكىم ۆاكتسينا اۋرۋدان 100 پايىز قورعايدى دەپ ايتپادى, ايتپايدى دا», دەدى دەنساۋلىق ساقتاۋ مينيسترلىگىنىڭ وكىلى.
