ايماقتار • 18 مامىر، 2021

قوستاناي وبلىسىندا كولىك ءورتى جيىلەگەن

14 رەت كورسەتىلدى

قوستاناي وبلىسىندا سوڭعى كەزدەرى اۆتوكولىكتەردىڭ ورتەنۋى جيىلەپ كەتتى، دەپ حابارلايدى Egemen.kz.

8 مامىردا قارابالىق اۋدانىنىڭ ورتالىعىنداعى «دەتال» اۆتودۇكەنىنىڭ جانىندا «لادا لارگۋس» اۆتوكولىگىنىڭ قوزعالتقىشىنان ءورت شىقسا، كەلەسى كۇنى ءدال وسى اۋدانداعى ناۋكا اۋىلىندا «لادا كالينا» اۆتوكولىگى ورتەندى. سونداي-اق رۋدنىي قالاسىندا 9 مامىردا «Audi-80» كولىگى، 14 مامىر كۇنى «ۆولگا» كولىگى وتقا وراندى.

«ەسكى كولىكتەر تەحنيكانى پايدالانۋ بارىسىندا ءورت قاۋىپسىزدىگى ەرەجەلەرىنىڭ ساقتالماۋىنان، تەحنيكالىق قىزمەتتەن ۋاقتىلى جانە تولىق وتپەگەندىكتەن ورتەنەدى»، دەيدى وبلىستىق توتەنشە جاعداي دەپارتامەنتىنىڭ ماماندارى.

وسىنداي وقيعالاردىڭ الدىن الۋ ماقساتىندا وبلىستا اۆتوكولىكتەردەگى ءورت قاۋىپسىزدىگى ايلىعى باستالدى. 17 مامىردان 17 ماۋسىمعا دەيىن جالعاساتىن قاۋىپسىزدىك شاراسى اياسىندا تج دەپارتامەنتى ماماندارى ارنايى رەيدتتەر ۇيىمداستىرىپ، كولىك جۇرگىزۋشىلەرگە ءورت قاۋىپسىزدىگى جانە العاشقى ءورت ءسوندىرۋ قۇرالدارىن پايدالانۋ ەرەجەلەرىن تۇسىندىرەدى.

ءورت سوندىرۋشىلەردىڭ سوزىنشە، اۆتوكولىك ءورتى تەز ۇدەيدى. سوندىقتان جۇرگىزۋشىلەر مەن جولاۋشىلارعا ۇلكەن قاۋىپ تۋدىرۋى مۇمكىن. كەز كەلگەن كولىكتىڭ ءىشى نەگىزىنەن ەلەكتر جابدىقتارى مەن تەز تۇتاناتىن سينتەتيكالىق قاپتامادان تۇرادى. ولار ءورت تيگەن جاعدايدا كوپ مولشەردە ۋلى گاز شىعارادى. سوندىقتان ءار اۆتوكولىكتە مىندەتتى تۇردە ءورت سوندىرگىش قۇرال بولۋى كەرەك جانە ول كەز كەلگەن جاعدايدا پايدالانۋعا جارامدى بولۋى ءتيىس.

سوڭعى جاڭالىقتار

ۇقساس جاڭالىقتار