ۆەدومستۆونىڭ مالىمەتىنشە, 16 مامىردا اقمولا وبلىسىنىڭ پد جەدەل كريمينالدى پوليتسيا باسقارماسىنىڭ قىزمەتكەرلەرىنە كوكشەتاۋ قالاسىنداعى حاسەنوۆ بازارى اۋماعىندا ەر ادامنىڭ الكوگول ونىمدەرىن زاڭسىز ساتۋمەن اينالىساتىنى تۋرالى جاسىرىن اقپارات تۇسكەن.
«جەدەل-ىزدەستىرۋ شارالارى بارىسىندا 17 مامىر كۇنى ساعات 09:00-دە كوكشەتاۋ قالاسىنىڭ «بوروۆسكوي» شاعىناۋدانى حاسەنوۆ بازارى اۋماعىنداعى گاراجداردىڭ ءبىرىنىڭ جەر تولەسىندە الكوگولدىك ونىمدەردى قۇيۋمەن اينالىسىپ جۇرگەن كوكشەتاۋ قالاسىنىڭ 33 جاستاعى تۇرعىنى ۇستالدى», دەدى ۆەدومستۆودان.
انىقتالعانداي, جاسىرىن تسەحتان 600 ليتر سۇيىقتىق, 300 ليتر اراق جانە 300 ليتر تازا سپيرت تاركىلەندى. ەر ادام بۇل ىسپەن ءبىر جىلدان استام ۋاقىت اينالىسىپ كەلگەن.
ءىس ماتەريالدارى كوكشەتاۋ قالاسىنىڭ مەملەكەتتىك كىرىستەر باسقارماسىنا جولداندى.
