تۇركىستان وبلىسىندا كوروناۆيرۋس پەن پنەۆمونيانىڭ تارالۋىنا جول بەرمەۋ ماقساتىندا شەكتەۋ شارالارىن ۇزارتۋ تۋرالى وبلىستىق باس سانيتار دارىگەردىڭ جاڭا قاۋلىسىنا وزگەرىستەر ەنگىزىلدى:
بالالاردىڭ ويىن-ساۋىق ورتالىقتارىنىڭ جۇمىس ىستەۋىنە رۇقسات بەرىلەدى. ويىن الاڭدارى, جابىق ءۇي جايلارداعى اتتراكتسيوندار كەلەتىن ادامدار سانى عيمارات سىيىمدىلىعىنىڭ 30%-نان نەمەسە 50 ادامنان اسپاعان جاعدايدا ساعات 09.00-دەن 22.00-گە دەيىن جۇمىس ىستەي الادى.
سپورتتىق ءىس-شارالار كەلۋشىلەر سانى عيمارات سىيىمدىلىعىن 20%-نان اسپاسا, بيليارد, بوۋلينگ جانە كومپيۋتەرلىك كلۋبتاردىڭ (تولتىرىلۋى 30% ارتىق ەمەس) جۇمىس ىستەۋىنە رۇقسات ەتىلەدى.
جۇمىس ۋاقىتتارىنا شەكتەۋ قويىلعان ازىق-ت ۇلىك گيپەرماركەتتەر, سۋپەرماركەتتەر, شاعىن ماركەتتەر, ءۇي جانىنداعى دۇكەندەر, مونشالارمەن ساۋنالار, اشىق اۋاداعى اتتراكتسيوندار, بيزنەس-ورتالىقتاردىڭ (ادۆوكاتتىڭ, نوتاريۋستىڭ, بۋحگالتەردىڭ جانە كونسالتينگ قىزمەتتەرى, جىلجىمايتىن م ۇلىك جونىندەگى اگەنتتىكتەر, جارناما اگەنتتىكتەرى, سوت ورىنداۋشىلارى جانە ت.ب.), حالىقتىڭ تۇرۋى بويىنشا قىزمەت كورسەتۋ سالاسىنداعى تۋريزم وبەكتىلەرى مەن ۇيىمداردار (قوناق ۇيلەر, ساناتوريلەر, دەمالىس ۇيلەرى, تۋريستىك بازالار جانە ت. ب.) قالىپتى جاعدايدا جۇمىس ىستەيتىن بولادى.
قوعامدىق تاماقتانۋ وبەكتىلەرىنىڭ جۇمىس ۋاقىتى 22:00-دەن 24:00-گە دەيىن ۇزارتىلدى. مەيرامحانالاردىڭ بانكەت زالدارىندا اس بەرۋگە رۇقسات ەتىلدى. دەگەنمەن تولتىرۋىلۋى 50%-عا دەيىن, 50 ورىندىقتان اسپاۋ قاجەت.
بۇعان دەيىن مەملەكەتتىك ورگانداردىڭ (ۇيىمداردىڭ, كاسىپورىنداردىڭ), كۆازيمەملەكەتتىك سەكتور ورگاندارىنىڭ, ۇلتتىق كومپانيالاردىڭ, وزگە دە ۇيىمداردىڭ, سونداي-اق كاسىپكەرلىك سۋبەكتىلەرىنىڭ قىزمەتكەرلەرى 50% جۇمىس ىستەسە ەندى 30%-ى قاشىقتان ىستەيدى.
