مەديتسينا • 18 مامىر، 2021

مامىردىڭ سوڭىنا دەيىن «QazVac» پەن «حايات ۆاك» ۆاكتسينالارى جەتكىزىلەدى

21 رەت كورسەتىلدى

مامىردىڭ سوڭىنا دەيىن «QazVac» پەن «حايات ۆاك» ۆاكتسينالارى جەتكىزىلەدى. بۇل تۋرالى بۇگىن ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي ايتتى، دەپ حابارلايدى Egemen.kz

«كوروناۆيرۋسقا قارسى ۆاكتسينالاۋ جالعاسىپ جاتىر. بۇگىندە ۆاكتسينانىڭ 2،6 ملن دوزاسى قولدانىلدى. ونىڭ ىشىندە ءبىرىنشى كومپونەنتپەن 1 871 823 ادام ەكپە الدى. ەكىنشى كومپونەنتپەن 778 346 ادام قامتىلدى»، دەدى مينيستر.

سونىمەن قاتار ول باس مەملەكەتتىك سانيتار دارىگەردىڭ سپۋتنيك V ۆاكتسيناسىنىڭ ءبىرىنشى كومپونەنتىنەن كەيىن ەكىنشىسىن الۋ ارالىعىن 21-دەن 90 كۇنگە دەيىن ۇزارتۋعا قاتىستى قاۋلىسىنا وزگەرتۋ ەنگىزىلگەندىگىن اتاپ ءوتتى. ياعني، ازاماتتار ەكىنشى كومپونەنتتى ءبىرىنشىسىن العاننان كەيىنگى 21 كۇنننەن باستاپ سالدىرا الادى.

«بۇگىندە ەكپە پۋنكتتەرىندە ۆاكتسينانىڭ جەتكىلىكتى دوزاسى بار: شامامەن 500 مىڭ ءبىرىنشى كومپونەنت جانە 750 مىڭ ەكىنشى كومپونەنت. ۆاكتسينانى جەتكىزۋ دە كەستەگە سايكەس جۇرگىزىلىپ جاتىر. اتاپ ايتقاندا، 14 مامىردا قاراعاندى فارماتسەۆتيكالىق زاۋىتىنا سپۋتنيكا V وندىرۋگە ارنالعان سۋبستانتسيا جەتكىزىلدى. قازىرگى ۋاقىتتا ۆاكتسينانىڭ 1،2 ملن دوزاسىن كەزەڭ-كەزەڭىمەن ءوندىرۋ جۇرگىزىلىپ جاتىر. سونىمەن قاتار ايدىڭ سوڭىنا دەيىن قوسىمشا KazVac جانە حايات ۆاك ۆاكتسينالارىنىڭ جەتكىزىلەتىندىگى كۇتىلەدى»، دەدى الەكسەي تسوي. 

سوڭعى جاڭالىقتار

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار