ايماقتار • 17 مامىر، 2021

شىمكەنتتە تۋريستىك اۆتوبۋستارعا ارنالعان تۇراقتار پايدا بولدى

37 رەت كورسەتىلدى

قالانىڭ تۋريستىك ينفراقۇرىلىمىن دامىتۋ باعىتىنداعى كەشەندى جۇمىستار اياسىندا تۋريستىك اۆتوبۋستارعا ارنالعان تۇراقتار قولعا الىندى، دەپ حابارلايدى Egemen.kz.

پيلوتتىق جوبانى قالالىق تۋريزم باسقارماسى، شىمكەنت قالاسى پوليتسيا دەپارتامەنتى مەن قالالىق جولاۋشىلار كولىگى جانە اۆتوموبيل جولدارى باسقارماسى بىرلەسە جۇزەگە اسىردى.

تۋريستىك اۆتوبۋستارعا ارنالعان «Bus Stop» تۇراقتارى قالا تۇرعىندارى مەن قوناقتارى ءۇشىن ەڭ تارتىمدى دەگەن ورىنداردا اشىلۋدا. العاشقى نۇكتە قالانىڭ ورتالىق بولىگى ءال-فارابي الاڭىندا ورنالاسقان. مۇندا كەلگەن تۋريستەر «اربات» الاڭى، «Shymkent Plaza» ورتالىعىمەن تانىسا الادى. الداعى ۋاقىتتا بايدىبەك بي ەسكەرتكىشى، شىمكەنت-تسيرك، ناۋرىز الاڭى، دەندروساياباق جانە ورداباسى الاڭىندا دا ارنايى تۇراقتار پايدالانۋعا بەرىلەدى.

– ەندى قالاعا كەلگەن تۋريستەر رۋحاني-مادەني ورتالىق اۋماعىندا ورنالاسقان اۆتوتۇراقتاردى لەزدە تابا الادى. مۇنداي ينفراقۇرىلىمنىڭ قاجەتتىلىگى تۋرالى قالالىق تۋروپەراتورلار كوپتەن بەرى ماسەلە ەتىپ كوتەرگەن ەدى. قالانى تۋريستەر ءۇشىن جايلى ەتۋ ماقساتىنداعى جۇمىستار جالعاسادى، – دەيدى تۋريزم باسقارماسىنىڭ باسشىسى ولجاس شينتاەۆ.

قالانىڭ تۋريستىك الەۋەتىن دامىتۋ باعىتىنداعى «Bus Stop» تۇراقتارى پيلوتتىق جوبا اياسىندا ىسكە اسىرىلىپ وتىر.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار