وقىس وقيعا 8 مامىر كۇنى №7 قالالىق كلينيكالىق اۋرۋحانادا بولعان. الماتى تۇرعىنى كۇزەتشىنىڭ مۇرنىن سىندىرىپ, قابىلداۋ ءبولىمىنىڭ حيرۋرگ دارىگەرىنە ءتىل تيگىزدى.
№7 قالالىق كلينيكالىق اۋرۋحانانىڭ ءباسپاسوز قىزمەتى ءمالىم ەتكەندەي, ەر ادام اۋرۋحاناعا تۇسكەن ايەلىنە ەرەكشە قاراۋلارىن تالاپ ەتكەن. قوعامدىق ورىندا جانە قىزمەتتىك مىندەتتەرىن اتقارۋ كەزىندە ار-نامىس پەن ابىرويىن قورلاعانى ءۇشىن دارىگەر پوليتسياعا شاعىم ءتۇسىردى.
سوت وتىرىسىندا ەر ادام ءوز كىناسىن مويىنداپ, قۇقىق بۇزۋشىلىق فاكتىسىن راستادى. ول ىستەگەن ىسىنە وكىنىپ, سوتتان قاتاڭ جازالاماۋدى سۇرادى.
الماتى قالالىق مامانداندىرىلعان اۋدانارالىق اكىمشىلىك سوتى قر اقبتك-ءنىڭ 434-بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانۋ تۋرالى شەشىم قابىلدادى. سوت ونى 5 تاۋلىككە اكىمشىلىك قاماۋعا الۋ تۋرالى قاۋلى شىعاردى.
