«وقۋشىلار وزدەرىن مەكتەپ قابىرعاسىندا قاۋىپسىز سەزىنۋى كەرەك. ول ءۇشىن بىرقاتار شارالار قابىلداندى. مەكتەپتەر كامەرالارمەن, دابىل تۇيمەلەرىمەن, تۋرنيكەتتەرمەن جابدىقتالدى. مەكتەپ باسشىلارى كۇزەت ۇيىمدارىمەن شارتتار جاساستى. دەگەنمەن ءالى دە بىرقاتار ماسەلە بار. ونلاين رەجيمدە مەكتەپ ديرەكتورلارىمەن وزەكتى ماسەلەلەر تالقىلاندى.
ءبىرىنشى, بارلىق وقۋ ورىندارى بەينەباقىلاۋ كامەرالارىمەن جابدىقتالعان. دەگەنمەن بەينەباقىلاۋ ارقىلى كامەرا «كوزى تۇسپەيتىن» ايماقتاردى دا قامتۋ قاجەت.
ەكىنشى, كۇزەت ۇيىمدارىمەن شارتتار جاسالدى. اتالعان ۇيىمدارعا قويىلاتىن تالاپتاردى كۇشەيتۋدى تاپسىردىم. سەبەبى مۇعالىمدەر مەن وقۋشىلاردىڭ قاۋىپسىزدىگىن قامتاماسىز ەتۋ ماڭىزدى.
ءۇشىنشى, جۇگەنسىز جاسوسپىرىمدەر مەن قيىن جاعدايعا تاپ بولعانداردى انىقتاۋدا وقۋ ورىندارىنىڭ قىزمەتكەرلەرى ماڭىزدى ءرول اتقارادى. مەكتەپ پسيحولوگتارىنىڭ, مەديتسينا قىزمەتكەرلەرىنىڭ جانە يۋۆەنالدى پوليتسيا قىزمەتكەرلەرىنىڭ جۇمىسىن كۇشەيتۋ قاجەت. سونداي-اق قوعامداعى مورالدىق قۇندىلىقتاردى نىعايتۋ, سىنىپتارداعى احۋالدى جاقسارتۋ جونىندەگى جۇمىستاردى تۇراقتى نەگىزدە جۇرگىزۋ قاجەت.
ءتورتىنشى, ءار مەكتەپتە فاكۋلتاتيۆتى ساباقتار وتكىزىلەدى, وندا وقۋشىلارعا قاۋىپ تۋىنداعان كەزدە ءوزىن قالاي ۇستاۋ كەرەكتىگى تۇسىندىرىلەدى. بۇل ساباقتارعا نازار اۋدارىپ, وعان بارىنشا بايىپپەن قاراۋ كەرەك», دەيدى كولگىنوۆ.
ونىڭ ايتۋىنشا, جوعارىدا ايتىلعانداردى ەسكەرە وتىرىپ, ءبىلىم باسقارماسىنىڭ باسشىسى مەن مەكتەپ ديرەكتورلارىنا قوسىمشا جابدىقتار ساتىپ الۋ ءۇشىن تىزىمدەردى ۇسىنۋ تاپسىرىلعان. مەكتەپتەردى قوسىمشا بەينەباقىلاۋ كامەرالارىمەن, تۋرنيكەتتەرمەن جانە باسقا دا ارنايى تەحنيكامەن جابدىقتاۋ قاجەت.
«قازان قالاسىنداعى مەكتەپتە بولعان قايعىلى وقيعادان اركىم ساباق الۋى كەرەك: وقۋ ورىندارىنىڭ قاۋىپسىزدىگىن قامتاماسىز ەتۋ ارقايسىمىزعا بايلانىستى. وقۋشىلار مەن مۇعالىمدەردىڭ قاۋىپسىزدىگى ماسەلەلەرىنە جاۋاپسىزدىق تانىتپاۋ قاجەت», دەپ جازدى اكىم.
