«Ashyq جوباسىنىڭ العاشقى كۇنىندە نۇرسۇلتان نازارباەۆ حالىقارالىق اۋەجايىنىڭ قىزمەتكەرلەرى ءتورت «سارى», ەكى «قىزىل» بەلگىسى بار جولاۋشىلاردى انىقتادى. الگوريتم بويىنشا, «قىزىل» بەلگىسىن كورسەتكەن جولاۋشىلار جەدەل جاردەم كەلگەنگە دەيىن وقشاۋلانىپ, ودان كەيىن ولار اۋرۋحاناعا جاتقىزىلدى», دەيدى ءباسپاسوز قىزمەتىنىڭ وكىلى.
12 مامىردان باستاپ Ashyq جوباسى نۇرسۇلتان نازارباەۆ حالىقارالىق اۋەجايىندا تولىعىمەن ىسكە قوسىلىپ, جۇمىس ىستەپ جاتىر.
«بارلىق جولاۋشىعا (ۇشىپ بارا جاتقان) اۋەجايعا كەلەر الدىندا ۇيالى تەلەفونىنا قوسىمشانى جۇكتەپ الىپ, ونداعى مارتەبەسىن الدىن الا تەكسەرۋ قاجەت ەكەنىن ەسكەرتەمىز. «سارى» جانە «قىزىل» مارتەبەسى بار جولاۋشىلار تەرمينال عيماراتىنا كىرگىزىلمەيدى. ۇشاققا جىبەرىلمەگەن جاعدايدا بيلەت اقشاسىن قايتارۋ تۋرالى سۇراقتار اۋە كومپانياسىنا جولدانۋى كەرەك», دەلىنگەن مالىمەتتە.
