قازاقستان • 13 مامىر، 2021

13 مامىرعا ارنالعان اۋا رايى بولجامى

19 رەت كورسەتىلدى

سينوپتيكتەردىڭ بولجاۋىنشا 13 مامىردا قازاقستاننىڭ باتىس، شىعىس جانە سولتۇستىك-شىعىس بولىكتەرىندە قۇبىلمالى اۋا رايى ساقتالادى. جاڭبىر جاۋىپ، نايزاعاي بولادى، دەپ حابارلايدى Egemen.kz.

رەسپۋبليكانىڭ قالعان ايماقتارى جوعارى اتموسفەرالىق قىسىم القابىندا بولعاندىقتان اۋا رايى كوبىنەسە جاۋىن-شاشىنسىز بولادى. رەسپۋبليكا بويىنشا كەي جەرلەردە جەل كۇشەيەدى، وڭتۇستىك جانە سولتۇستىكتە تۇمان، وڭتۇستىك-باتىستا شاڭدى داۋىل كۇتىلەدى، شىعىستا بۇرشاق جاۋى ىقتيمال.

تۇركىستان، ماڭعىستاۋ وبلىستارىنىڭ كەي جەرلەرىندە شاڭدى داۋىل بولىپ، جەل 15-20 م/س دەيىن كۇشەيەدى.

تۇندە جانە تاڭەرتەڭ سولتۇستىك قازاقستان وبلىسىندا تۇمان بولىپ، كۇندىز جەلدىڭ كۇشى 15-20 م/س دەيىن جەتەدى.

جامبىل، اتىراۋ، پاۆلودار، اقمولا، قىزىلوردا، باتىس قازاقستان، قوستاناي، قاراعاندى، شىعىس قازاقستان وبلىستارىنىڭ كەي جەرلەرىندە جەل 15-20 م/س دەيىن كۇشەيەدى.

جامبىل وبلىسىندا تۇمان ءتۇسىپ، كۇندىز شىعىس قازاقستان وبلىسىندا بۇرشاق جاۋى ىقتيمال.

قىزىلوردا وبلىسىندا شاڭدى داۋىل بولادى.

الماتى وبلىسىنىڭ جەكەلەگەن اۋدانىندا وتە جوعارى ءورت قاۋپى كۇتىلەدى.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار