پوليتسيا وكىلدەرىنىڭ مالىمدەۋىنشە, 2020 جىلدىڭ اقپانىندا قارابالىق اۋدانىنىڭ پوليتسيا بولىمىنە سۆياتوسلاۆكا اۋىلىنىڭ تۇرعىنى تسيلينكو گالينا شاعىمدانعان. ول بالاسىنىڭ جۇمىس ىزدەپ چەليابينسك وبلىسىنا كەتكەنىن, سودان سوڭ بايلانىسقا شىقپاي قويعانىن ايتقان.
«اتالعان ءوتىنىش بويىنشا ءىس قوزعالىپ, ەر ادامعا حالىقارالىق ىزدەۋ جاريالانعان. 11 مامىردا جەدەل ىزدەۋ شارالارىنىڭ ناتيجەسىندە ەر ادامنىڭ ءدىن امان ەكەنى, رەسەي فەدەراتسياسىنىڭ نابەرەجنىە چەلنى قالاسىندا تۇرىپ جاتقانى جايلى اقپارات كەلىپ ءتۇستى. الايدا ونىڭ ەشقانداي قۇجاتتارى بولماعان», دەپ اتاپ ءوتتى پوليتسيا وكىلدەرى.
رەسەيلىك ارىپتەستەرمەن جۇرگىزىلگەن كەلىسسوزدەن كەيىن الەكساندر تسيلينكونى وتانىنا قايتارۋ كۋالىگىن بەرۋ جونىندە شەشىم قابىلدانعان.
قازىرگى كەزدە پوليتسەيلەر وقيعانىڭ بۇكىل ءمان-جايىن انىقتاپ جاتىر.
