ۆەدومستۆونىڭ مالىمەتىنشە, 2021 جىلعى مامىردىڭ 11-دە ساعات 07:07 شاماسىندا كوكشەتاۋ قالالىق پوليتسيا باسقارماسى جەدەل باسقارۋ ورتالىعىنىڭ «102» پۋلتىنە 37 جاستاعى جەرگىلىكتى تۇرعىن حابارلاسىپ, ءوز پاتەرىنىڭ جاتىن بولمەسىنەن كورشىسىنىڭ دەنەسىن تاپقانىن ايتقان. ەر ادامنىڭ سوزىنشە, كورشىسى وعان شاي سۇراپ كەلگەن. سول كەزدە وندا دەنە جاراقاتتارى بولعان. تاڭەرتەڭ ويانعاندا ەر ادامنىڭ كوز جۇمعانىن كورىپ, بىردەن پوليتسياعا حابارلاسۋدى شەشكەن. وقيعا ورنىنا بارعان ءتارتىپ ساقشىلارى 53 جاستاعى ەر ادام تۇنگى ساعات ءبىر شاماسىندا كوپتەگەن جاراقاتتاردان قايتىس بولعانىن انىقتادى. مەديتسينالىق ساراپتامانىڭ قورىتىندىسىنا سايكەس, ەر ادام «باستىڭ, كەۋدەنىڭ, ءىشتىڭ ىشكى اعزالاردىڭ زاقىمدالۋى, باۋىردىڭ جىرتىلۋى جانە تراۆماتيكالىق شوكتىڭ» سالدارىنان كوز جۇمعان.
«جەدەل-ىزدەستىرۋ شاراسىندا پوليتسەيلەر قۇقىق قورعاۋ ورگانىنا ءوزى حابارلاسقان 37 جاستاعى جەرگىلىكتى تۇرعىننىڭ اتالمىش قىلمىسقا قاتىسى بارىن انىقتادى. ەر ادام جاساعان قىلمىسىن تولىق مويىندادى. ول ىشىمدىك ءىشۋ بارىسىندا تۋىنداعان جانجال كەزىندە كورشىسىن ۇرىپ, كەيىن توسەگىنە جاتۋعا كەتىپ قالعان. تەك تاڭەرتەڭ كورشىسىنىڭ ولگەنىن انىقتادى.
ەر ادامعا قاتىستى قىلمىستىق كودەكستىڭ 99 بابىنىڭ 1 بولىگى «ادام ءولتىرۋ» بويىنشا سوتقا دەيىنگى تەرگەۋ شارالارى جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالدى», دەدى ۆەدومستۆودان.
