ءبىلىم • 12 مامىر، 2021

بيىل «التىن بەلگىگە» 9 822 وقۋشى ۇمىتكەر

16 رەت كورسەتىلدى

ەندى «التىن بەلگى» توسبەلگىسىنە ۇمىتكەرلەردىڭ ەمتيحان جۇمىستارىن ءبىلىم باسقارمالارى جانىنداعى كوميسسيالار قارايتىن بولادى. مەكتەپتەر بۇرىنعىداي وقۋ وزاتتارىنىڭ ءتىزىمىن وزدەرى جاساي المايدى، دەپ حابارلايدى Egemen.kz.

كوميسسيا ەمتيحان جۇمىستارىن تەكسەرگەننەن كەيىن ناتيجەلەرىن ءبىلىم بەرۋ ۇيىمدارىنا جىبەرىپ، مەكتەپ ديرەكتورىنىڭ بۇيرىعىمەن توسبەلگى يەگەرلەرىنىڭ ءتىزىمى بەكىتىلەدى. 2020-2021 وقۋ جىلىندا «التىن بەلگىگە» 9 822 وقۋ وزاتى ۇمىتكەر بولىپ وتىر.

«بۇرىن مەكتەپ پەن ءبىلىم بولىمدەرى ۇمىتكەرلەردىڭ جۇمىسىن وزدەرى تەكسەرىپ، «التىن بەلگىنى» تاپسىرۋ تۋرالى شەشىم قابىلدايتىن. ال قازىر كەڭەستىك كەزەڭدەگىدەي، ەمتيحان جۇمىستارىن وبلىستىق نەمەسە رەسپۋبليكالىق ماڭىزى بار قالانىڭ ءبىلىم باسقارماسى جانىنداعى كوميسسيا تەكسەرەدى. كوميسسيا قۇرامىنا بىلىكتى، تاجىريبەلى ءپان مۇعالىمدەرى كىرەدى. وسىدان كەيىن عانا مەكتەپ ۇزدىك وقۋشىلاردىڭ ءتىزىمىن بەكىتەدى»، دەدى قر بعم مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا.

بيىل 11 (12) سىنىپ وقۋشىلارىنىڭ مەملەكەتتىك ءبىتىرۋ ەمتيحاندارى 2021 جىلعى 1-10 ماۋسىم ارالىعىندا وتەدى. 12 ماۋسىمعا دەيىن ەمتيحان جۇمىستارىنىڭ قورىتىندىسى شىعارىلىپ، «التىن بەلگى» يەگەرلەرىنىڭ ءتىزىمى بەكىتىلەدى.

2020-2021 وقۋ جىلىندا 3،4 ملن استام وقۋشى مەكتەپتەردە ءبىلىم الدى. ولاردىڭ 150 مىڭعا جۋىعى 11 (12) سىنىپتى اياقتايدى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار