زاماناۋي جانە تسيفرلىق تەحنولوگيالار قولدانىلاتىن نىسان پايدالانۋعا بەرىلگەننەن كەيىن, ول الەمدەگى مىس كونتسەنتراتىن وندىرەتىن ءىرى كاسىپورىنداردىڭ قاتارىنا قوسىلۋعا مۇمكىندىك الادى. جوباعا 1,2 ميلليارد اقش دوللارى كولەمىندە ينۆەستيتسيا سالىنادى. مۇندا قوسىمشا 1200 جاڭا جۇمىس ورنى اشىلادى.
پرەزيدەنت كومبيناتتىڭ قۇرىلىسىن اياقتاپ, تاۋەلسىزدىك كۇنى قارساڭىندا ىسكە قوسۋدى تاپسىردى. ولەگ نوۆاچۋك كومپانيا قىزمەتكەرلەرى مەملەكەت باسشىسىنىڭ تاپسىرماسىن بارىنشا قىسقا مەرزىمدە ورىنداپ, جوسپارعا سايكەس ءونىم وندىرە باستايتىنىن ايتتى.
قاسىم-جومارت توقاەۆقا جۇمىسشىلارعا جاسالىپ جاتقان جاعداي جايىندا, اتاپ ايتقاندا, ولاردى باسپانامەن, ازىق-ت ۇلىكپەن قامتاماسىز ەتۋ, بوس ۋاقىتتارىن ءتيىمدى وتكىزۋدى ۇيىمداستىرۋ تۋرالى باياندالدى.
