جاڭا تەاتردا تۇركى الەمىنە ورتاق قويىلىمدار ساحنالانادى. كومپوزيتسيالىق كورىنىسى مەن ساۋلەتتىك كەلبەتى وزگەشە تەاتردا شەتەلدىك تانىمال ونەر قايراتكەرلەرى دە ونەر كورسەتەدى. ءتورت قاباتتى ونەر ورداسىنىڭ كورەرمەندەر زالى 510 ادامعا ارنالعان. مۇندا ۆەستيبيۋلدىڭ, كۋلۋارلاردىڭ, فويەنىڭ, جيناقتاۋ حوللدارى مەن VIP زالدار ۇلتتىق ناقىشپەن بەزەندىرىلگەن. تەاتردا كورەرمەندەرگە جانە قىزمەتتىك پەرسونالعا شۇعىل مەديتسينالىق كومەك كورسەتەتىن دارىگەرگە دەيىن قاراستىرىلعان. تەاتردىڭ باس ديرەكتورى اينۇر كوپباساروۆانىڭ ايتۋىنشا, 190 ادام شتاتتىق رەجيمدە جۇمىس ىستەي الادى. قازىر اكتەرلاردى جۇمىسقا قابىلداۋ جۇرۋدە. ولاردىڭ قاتارىندا دۋبايدا, ماسكەۋدە تاجىريبە جيناعان رەجيسسەرلار مەن كومپوزيتورلار, مەنەدجەرلەر بار. جاڭا عيماراتتىڭ جالپى اۋدانى 11 مىڭ شارشى مەتردەن اسادى. تەاتر باسشىلىعىنىڭ مالىمەتىنشە, العاشقى قويىلىم 5-ءشى قىركۇيەكتە كورەرمەندەر نازارىنا ۇسىنىلادى. وعان دەيىن ساحنانى بەزەندىرۋ, قاجەتتى قۇرال-جابدىقتارمەن قامتاماسىز ەتۋ جۇمىستارى دا جۇرگىزىلمەك.
ەلباسى مۋزىكالىق دراما تەاترى عيماراتىندا جۋرناليستەرمەن سۇحباتتاسىپ, تۇركىستاننىڭ بۇگىنى مەن ەرتەڭى جايلى پىكىرىن ءبىلدىردى.
