وقيعا • 11 مامىر، 2021

الماتىدا تاعى ءبىر ەمحانا ۆاكتسينا تولقۇجاتىن ساتقان

42 رەت كورسەتىلدى

الماتىدا تاعى ءبىر ەمحانا قىزمەتكەرلەرى ۆاكتسيناتسيا پاسپورتىن ساتقان، دەپ حابارلايدى Egemen.kz.

الەۋمەتتىك جەلى قولدانۋشىلارىنىڭ ايتۋىنشا، مەديتسينا قىزمەتكەرلەرىنىڭ زاڭسىز ارەكەتتەرى الماتىداعى № 4 قالالىق ەمحانادا انىقتالعان. وندا مەديتسينا ۇيىمى قىزمەتكەرلەرى جالعان ۆاكتسيناتسيا تولقۇجاتتارىن ساتقانى ايتىلعان. ۆاكتسينا دوزالارى 15 مىڭ تەڭگە تۇرادى دەگەن بولجام بار.

«مەديتسينا قىزمەتكەرلەرى، سونىڭ ىشىندە باس دارىگەرلەردىڭ مۇنداي ارەكەتى جاپپاي ۆاكتسيناتسيا پروتسەسىن باسەڭدەتەدى جانە قۇنسىزداندىرادى. سەبەبى بۇل جاعدايدا ءدارى-دارمەكتەردى، جەكە قورعانىس قۇرالدارىن جانە مەديتسينالىق ماقساتتاعى بۇيىمداردى ساتىپ الۋدى جوسپارلاۋ بولىگىندە ستاتيستيكا وزگەرەدى. بۇل ستراتەگيانىڭ كەمشىلىكتەرىنە اكەلەدى. ول قازىردىڭ وزىندە ساياسي ماسەلە.

ۆاكتسينالاردى ساتىپ الۋعا قارجى بولىنەدى. ءدال سول جاعدايدا پرەپارات زاڭسىز جويىلادى، ياعني سالىق تولەۋشىلەردىڭ اقشاسى جەلگە ۇشادى. بۇل ءبىرىنشى جاعداي ەمەس ەكەنىن ەسكەرە وتىرىپ، مۇنداي جاعدايلاردىڭ اۋقىمى مەن اعىمىن بولجاۋعا بولادى»، دەپ جازدى «مەديتسينا ي نە تولكو» توبىنداعى جازبا اۆتورى.

الماتى قالالىق قوعامدىق دەنساۋلىق باسقارماسى مەديتسينا قىزمەتكەرلەرىنىڭ زاڭسىز ارەكەتىن قۇقىق قورعاۋ ورگاندارى تەكسەرىپ جاتقانىن حابارلادى.

«مەديتسينا قىزمەتكەرلەرىنىڭ جالعان ۆاكتسينالاۋ دەرەگى بويىنشا ماتەريالدار قۇقىق قورعاۋ ورگاندارىنا بەرىلدى»،  دەدى قدسب ءباسپاسوز قىزمەتى وكىلدەرى.

بۇعان دەيىن الماتىدا دەلدال 15 مىڭ تەڭگەگە بىردەن بىرنەشە ەمحانانىڭ اتىنان ۆاكتسيناتسيادان وتكەنى تۋرالى ەلەكترون قۇجات ۇسىنعانى حابارلانعان بولاتىن. 

 

سوڭعى جاڭالىقتار

ءوندىرىس وركەندەگەن ءوڭىر

ايماقتار • بۇگىن، 22:30

مەكتەپتەردى اشاتىن كەز كەلدى

ءبىلىم • بۇگىن، 22:25

جامبىلدىڭ جارقىن بەينەسى

ونەر • بۇگىن، 22:20

شىرقاۋ شىڭى شوقاننىڭ

رۋحانيات • بۇگىن، 22:10

ماەسترونىڭ شەبەرلىك ساباعى

تەاتر • بۇگىن، 22:08

Amazon قانداي مۇمكىندىك سىيلايدى؟

تەحنولوگيا • بۇگىن، 21:47

ۇقساس جاڭالىقتار