ايماقتار • 11 مامىر، 2021

قوستانايدا قايىرىمدىلىق ۆەلوشەرۋى ءوتتى

12 رەت كورسەتىلدى

تاۋەلسىزدىكتىڭ 30 جىلدىعى مەن جەڭىس كۇنىنە ارنالعان ۆەلوشەرۋگە وبلىستىق، قالالىق جانە قوستاناي اۋداندىق ءماسليحات دەپۋتاتتارى قاتىستى، دەپ جازادى Egemen.kz

تاڭەرتەڭگىلىك ءبىر-ءبىر ۆەلوسيپەد مىنگەن حالىق قالاۋلىلارى قالا شەتىمەن 14 شاقىرىم ءجۇرىپ ءوتىپ، توبىل جاعالاۋىنداعى تاۋەلسىزدىكتىڭ 25 جىلدىعى اتىنداعى ساياباققا كەلىپ توقتادى.  ۆەلوشەرۋدى جول پوليتسياسى مەن جەدەل جاردەم كولىگى باستاپ ءجۇردى.

ء«ىس-شارانىڭ ماقساتى – وسكەلەڭ ۇرپاققا ۇلگى كورسەتۋ، سول ارقىلى ولارعا ازاماتتىق، پاتريوتتىق تاربيە بەرۋ، سونداي-اق سالاماتتى ءارى بەلسەندى ءومىر سالتىن ناسيحاتتاۋ»، دەدى اكتسيانى ۇيىمداستىرعان وبلىستىق ءماسليحات دەپۋتاتى باۋىرجان تيبەەۆ.   

دەپۋتاتتار ساياباق الاڭىندا شاعىن قايىرىمدىلىق شاراسىن وتكىزىپ، كوپبالالى جانە تۇرمىسى تومەن وتباسىلاردا تاربيەلەنىپ جاتقان بىرنەشە بالاعا ۆەلوسيپەد تارتۋ ەتتى. 

«وسىدان ءبىر-ەكى كۇن بۇرىن قالالىق ءبىلىم ءبولىمىنىڭ مامانى قوڭىراۋ شالىپ، ءبىزدى  تاۋەلسىزدىكتىڭ 25 جىلدىعى اتىنداعى ساياباقتا توسىن سىي كۇتىپ تۇرعانىن حابارلاپ، 10 مامىر كۇنى وسىندا كەلۋىمىزدى سۇرادى. قىزىم بۇل ءساتتى تاعاتسىزدانا كۇتتى. سويتسەك، توسىن سىي ءوزىمىز كوپتەن بەرى ارمان ەتىپ كەلە جاتقان ۆەلوسيپەد ەكەن. قىزىمنىڭ قۋانىشىندا شەك جوق، سىيلىق ۇنادى. وسىنداي شۋاقتى شارانى ۇيىمداستىرۋشىلارعا انالىق العىسىمدى ايتقىم كەلەدى. ءبارىڭىزدى بيىلعى تاۋەلسىزدىگىمىزدىڭ 30 جىلدىق مەرەكەسىمەن قۇتتىقتايمىن!»، دەدى كوپبالالى انا قىمبات وماروۆا.  

قايىرىمدىلىق شاراسىنان كەيىن دەپۋتاتتار ساياباقتىڭ كىرەبەرىسىنە جاقىن جەردەن ارنايى بولىنگەن الاڭقايعا جاسىل شىرشا كوشەتتەرىن وتىرعىزدى.

ء«بىز جاستاردىڭ نازارىن ەكولوگيالىق ماسەلەلەرگە اۋدارىپ، قالامىزدى تازا ۇستاۋعا شاقىرعىمىز كەلەدى. ەندى بۇل كوشەتتەردى العاشقى ەكى جىل بويى كۇن سايىن سۋارىپ وتىرۋ كەرەك. ويتكەنى شىرشا باستاپقىدا جاقسى كۇتىمدى قاجەت ەتەدى. اسىرەسە كۇن ىستىقتا سۋسىز قالدىرۋعا بولمايدى. بۇل مىندەتتى بۇگىن بىزبەن بىرگە وسى شاراعا اتسالىسىپ جاتقان ەرىكتى جاستار مەن ستۋدەنتتەر اتقارامىز دەپ وتىر»، دەدى اۆتوشەرۋگە قاتىسقان «بولشەۆيچكا» فابريكاسىنىڭ ديرەكتورى ارسەن جەتپىسباەۆ.    

تاۋەلسىزدىك ساياباعىنا 100 شاقتى شىرشا كوشەتىن وتىرعىزعان حالىق قالاۋلىلارى قالا ورتالىعىنا دەيىن تاعى 6 شاقىرىم ءجۇرىپ ءوتتى. 

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار