ەلباسى • 08 مامىر، 2021

نۇرسۇلتان نازارباەۆ شاۆكات ميرزيەەۆپەن تەلەفون ارقىلى سويلەستى

20 رەت كورسەتىلدى

ەلباسى نۇرسۇلتان نازارباەۆ وزبەكستان رەسپۋبليكاسىنىڭ پرەزيدەنتى شاۆكات ميرزيەەۆپەن تەلەفون ارقىلى سويلەستى. ولار ءبىر-ءبىرىن كەلە جاتقان جەڭىستىڭ 76 جىلدىق مەرەيتويى جانە ورازا ايت مەرەكەسىمەن قۇتتىقتادى، دەپ حابارلايدى Egemen.kz قر تۇڭعىش پرەزيدەنتىنىڭ رەسمي سايتىنا سىلتەمە جاساپ.

تاراپتار ەكى ەلدىڭ باۋىرلاس حالىقتارىنىڭ يگىلىگى ءۇشىن ءداستۇرلى تاتۋ كورشىلىك، ءوزارا سەنىم جانە سان عاسىرلىق دوستىق رۋحىندا دامىپ كەلە جاتقان قازاقستان مەن وزبەكستانىڭ ستراتەگيالىق قاتىناسىنىڭ قازىرگى دەڭگەيىن جوعارى باعالادى.

بۇعان ساياسي سالاداعى جەمىستى قارىم-قاتىناس، بيىل ساۋدا كولەمىنىڭ ۇلعايعانى جانە شەكارالىق ساۋدا سالاسىنداعى ىسكەر توپتاردىڭ ءوزارا ءىس-ارەكەتىنە جاڭا مۇمكىندىكتەر جاسالعانى، بىرلەسكەن ەكونوميكالىق جانە وڭىرارالىق جوبالار جۇيەلى تۇردە جۇزەگە اسىرىلىپ جاتقانى، مادەني-گۋمانيتارلىق باعدارلامالاردىڭ ناسيحاتتالۋى اسەر ەتىپ وتىر.

سوڭىندا تاراپتار وڭىردە بەيبىتشىلىكتى، تۇراقتىلىق پەن قاۋىپسىزدىكتى نىعايتۋ ءۇشىن كوپجاقتى ىنتىماقتاستىقتى ارتتىرۋ جانە تەرەڭدەتۋ قاجەتتىگى تۋرالى پىكىر ءبىلدىردى.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار