جىلىوي اۋداندىق اكىمدىگىنىڭ مالىمەتىنشە, «نگسك كازسترويسەرۆيس» اق اتىراۋ فيليالىنىڭ 500-گە جۋىق جۇمىسشىسى ەڭبەكاقى ءتولەۋ جۇيەسىن وزگەرتۋدى قالاپ وتىر. جۇمىسشىلار جۇمىسىن توقتاتىپ, بىرنەشە تالاپ قويعان.
«وقيعا ورنىنا جىلىوي اۋداندىق اكىمدىگى مەن قۇقىق قورعاۋ ورگاندارىنىڭ وكىلدەرى كەلدى. كەلىسسوزدەر كەزىندە جۇمىسشىلار ەڭبەكاقى تولەۋ جۇيەسىن وزگەرتۋ, تۇرمىستىق جاعدايدى جاقسارتۋ سەكىلدى بىرقاتار تالاپتار قويدى», دەلىنگەن اۋداندىق اكىمدىكتىڭ اقپاراتىندا.
كەلىسسوز قورىتىندىسىندا كومپانيا قىزمەتكەرلەرءى ءاكىمدىك وكىلدەرىنە, اتىراۋ وبلىستىق مەملەكەتتىك ەڭبەك ينسپەكتسياسى باسشىسىنىڭ اتىنا 500-گە جۋىق ادام قول قويعان ۇجىمدىق شاعىم بەرگەن. جۇمىسشىلار كوتەرگەن ماسەلە كومپانيا باسشىلىعىنىڭ, «تەڭىزشەۆرويلدىڭ», «سەنىمدى قۇرىلىس» جشس مەن مەملەكەتتىك ورگانداردىڭ باقىلاۋىنا الىندى.
ال, «نگسك كازسترويسەرۆيس» اق اتىراۋ فيليالىنىڭ باس ديرەكتورى ءسابيت جاناسوۆ جۇمىسشىلاردىڭ نارازىلىعىن تۋدىرعان ماسەلەلەردى وڭ شەشۋ ءۇشىن اتىراۋعا كەلەتىنىن جانە جۇمىسشىلاردى ەشكىم قۋدالامايتىنىنا, ولاردى جۇمىستان شىعارمايتىنىنا ۋادە بەرىپ وتىر.
بۇل كومپانيا قىزمەتكەرلەرى اۋىسىمدىق ادىسپەن جۇمىس ىستەيدى. ولاردىڭ ورتاشا ەڭبەكاقىسى 200 مىڭنان 300 مىڭ تەڭگەگە دەيىنگى ارالىقتى قۇرايدى. كومپانيانىڭ مالىمەتىنشە, جۇمىسشىلاردىڭ جالاقىسىن كوتەرۋ (5,4%) ماسەلەسى بيىلعى قاڭتاردا قولعا الىنعان.
