كەڭەسكە قاتىسۋشىلار قازىرگى ەپيدەميالىق جاعدايدى, مەديتسينالىق مەكەمەلەردە ءدارى-دارمەكتەردىڭ, مەديتسينالىق جابدىقتاردىڭ بولۋىن, سونداي-اق حالىقتى كۆي-دان جاپپاي ۆاكتسيناتسيالاۋ جۇمىستارىن تالقىلادى.
«تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى سوو-لارداعى ءموبيلدى ورتالىقتا جۇرگىزىلىپ جاتقان جۇمىستان حاباردار ەتتى. ەكپە العىسى كەلەتىندەر قاتارى 1,5 ەسەگە ارتتى. دارىگەرلەر ناۋقاستاردى ەمدەۋ جولىندا باسىنان كەشكەن وقيعالارىن اڭگىمەلەدى. جاقىندا كۆي-مەن اۋىر كۇيدە ءتۇسىپ, وكپەسى 99% زاقىمدانعان جۇكتى ناۋقاس ەمدەلىپ, №2 كوپسالالى قالالىق اۋرۋحانادان شىعارىلدى, جۇرەك جەتىسپەۋشىلىگى جانە باسقا دا اۋرۋى بار ناۋقاستار ەمدەلىپ, بۇرىنعى ومىرىنە قايتا ورالدى. جىل باسىنان بەرى COVID-19 جۇقتىرعان 57 جۇكتى ايەل دەنى ساۋ ءسابي بوساندى», دەدى باقتيار ماكەن.
قالا اكىمىنىڭ ورىنباسارى COVID-19-عا قارسى كۇرەس بويىنشا جۇمىستى جالعاستىرۋدى, تۇرعىندار اراسىندا ۆاكتسيناتسيا بويىنشا اقپاراتتىق-ءتۇسىندىرۋ جۇرگىزۋدى, حالىقتى ۆاكتسيناتسياعا جازاتىن call-ورتالىقتاردىڭ جۇمىسىن كۇشەيتۋدى, كادرلار ماسەلەلەرىن باقىلاۋعا الۋدى, سونداي-اق مەديتسينا مەكەمەلەرىندە ءدارى-دارمەكتىڭ بار-جوعىنا كۇن سايىن مونيتورينگ جۇرگىزۋدى تاپسىردى.
