ايماقتار • 06 مامىر، 2021

قوستانايدا «جەر – ادالدىق الاڭى» فرونت-كەڭسەسى اشىلدى

13 رەت كورسەتىلدى

قوستانايدا «جەر – ادالدىق الاڭى» دەپ اتالاتىن جاڭا فرونت-كەڭسە اشىلدى، دەپ حابارلايدى Egemen.kz.

جەر قاتىناستارى سالاسىنا بايلانىستى ماسەلەلەر بويىنشا ءوڭىر تۇرعىندارىنا قولداۋ كورسەتۋدى كوزدەيتىن تىڭ جوبا وبلىستىق جەر پايدالانۋدى جانە قورعاۋدى باقىلاۋ باسقارماسى مەن «قوستاناي – ادالدىق الاڭى» جوبالىق كەڭسەسىنىڭ باستاماسىمەن قولعا الىنىپ وتىر. 

جوبا جەتەكشىلەرىنىڭ سوزىنشە، فرونت-كەڭسە ماماندارى وزدەرىنە جۇگىنگەن كەز كەلگەن ازاماتتىڭ جەر كەزەگىنە تىركەلۋىن، جەر قۇجاتتارىن زاڭداستىرۋدى ۇيىمداستىرادى جانە قۇقىقتىق تۇرعىدان اقىل-كەڭەس بەرەدى.   

«مەملەكەتتىك مەكەمە مەن ازاماتتاردىڭ اراسىنداعى بايلانىستى جەڭىلدەتۋ باعىتىندا ءبىز وسىنداي جۇمىس فورماتىن قاراستىرىپ وتىرمىز. مۇندا بىلىكتى ماماندار حالىققا اشىق جانە قولجەتىمدى تۇردە كومەك كورسەتەتىن بولادى. فرونت-وفيس جەردىڭ پايدالانىلۋى مەن قورعالۋىن باقىلاۋ باسقارماسىنا كەلىپ تۇسكەن وتىنىشتەر بويىنشا جۇمىس جۇرگىزەدى. كەڭسە جۇمىسى ازاماتتاردىڭ وتىنىشتەرى مەن تالاپتارىن جان-جاقتى زەردەلەۋگە، بارىنشا اشىقتىققا جانە تۇرعىندارعا قولايلى جاعداي جاساۋعا باعىتتالعان»، دەدى «قوستاناي – ادالدىق الاڭى» جوبالىق كەڭسەسىنىڭ جەتەكشىسى انجەلا ءالجانوۆا.

بىلتىر ءوڭىردىڭ بارلىق قالالارى مەن اۋدان ورتالىقتارىندا ءدال وسىنداي فرونت-كەڭسەلەر اشىلعانىن ايتا كەتكەن ءجون. بۇل كەڭسەلەر تۇرعىندار تاراپىنان ءجيى سۇرانىسقا يە الەۋمەتتىك ماڭىزى بار ماسەلەلەر بويىنشا تەگىن قىزمەت كورسەتەدى.

 

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار