ايماقتار • 06 مامىر، 2021

الماتىدا ەكپە الۋدا اعا بۋىن بەلسەندى

15 رەت كورسەتىلدى

الماتىدا پەداگوگتاردىڭ 99%-ى، مەديتسينا قىزمەتكەرلەرىنىڭ 83%-دان استامى ۆاكتسيناتسيا الدى، دەپ حابارلايدى Egemen.kz.

الماتىنىڭ ەكپە پۋنكتتەرى بارلىق مەرەكە جانە دەمالىس كۇندەرى دە جۇمىستارىن جالعاستىرىپ وتىر.

بۇگىن وڭىرلىك كوممۋنيكاتسيالار قىزمەتىنىڭ الاڭىندا رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ الماتى قالالىق فيليالىنىڭ ديرەكتورى گۇلنار ىسقاقوۆا ءسوز سويلەدى. ول مەگاپوليستىڭ بارلىق 215 ەكپە پۋنكتى مامىر ايىنىڭ مەرەكەلىك جانە دەمالىس كۇندەرى جۇمىس ىستەيتىندىگىن، سونداي-اق سوو، بازارلار مەن ساۋدا ۇيلەرى بازاسىندا ۆاكتسينا سالدىرۋ ءۇشىن الدىن الا جازىلۋ قاجەت ەمەستىگىن حابارلادى. سونىمەن قاتار، ۆاكتسينانىڭ ەكىنشى كومپونەنتىن الۋ مەرزىمى 45 كۇننەن كەيىن دەپ وزگەرتىلگەنىنە قاراماستان، ونى ەرتەرەك، 21 كۇننەن كەيىن دە الۋعا بولادى، ول ءۇشىن ءوتىنىش جازۋ كەرەك.

گۇلنار ىسقاقوۆانىڭ ايتۋىنشا، الماتىدا جاپپاي ۆاكتسينا الۋ وتە اۋقىمدى جۇرگىزىلۋدە، قازىردىڭ وزىندە ۆاكتسينانىڭ ءبىرىنشى كومپونەنتىن 238 مىڭنان استام ادام العان. ونىڭ ىشىندە 60 جاستان اسقان ادامدار – 31 مىڭعا جۋىق. ەكىنشى كومپونەنتتى 90 مىڭنان استام ادام الدى. ونىڭ ۇستىنە، ەكپە العانداردىڭ ءبارى الماتى قالاسىندا تىركەلمەگەن.

«قازاقستاندا جاپپاي ۆاكتسينالاۋدىڭ جۇرگىزىلۋىنە بايلانىستى، تۇرعىلىقتى جەرىنە نەمەسە الماتىدا تىركەلگەنىنە قاراماستان، كەز كەلگەن ادام كوروناۆيرۋسقا قارسى ەكپە جاساتا الادى. سونداي-اق الماتىدا تۇرۋعا رۇقساتى بار شەتەل ازاماتتارىن، ەڭبەك ميگرانتتارىن، بوسقىنداردى جانە شەتەلدىك ستۋدەنتتەردى تەگىن ۆاكتسيناتسيالاي الامىز. الماتىدا ونداي ادامدار سانى 7 مىڭعا جۋىق»، دەدى گۇلنار ىسقاقوۆا.

سپيكەر ۆاكتسينالانعانداردىڭ نەگىزگى سانىنىڭ باسىم بولىگىن پەداگوگتار قۇرايتىنىن، قازىردىڭ وزىندە ولاردىڭ 99%-ىنا ەكپە جاسالعانىن حابارلادى. سونداي-اق الماتى قالاسىنىڭ مەديتسينا قىزمەتكەرلەرىنىڭ 83% - دان استامى، ۋچاسكەلىك پوليتسيا ينسپەكتورلارىنىڭ 94% - دان استامى ۆاكتسينالاندى.

«بۇگىنگى تاڭدا ۆاكتسينا الۋعا قارسى كورسەتكىشى بار اۋرۋلار ءتىزىمى از. باستىسى، ازاماتتارىمىزدىڭ ۆاكتسينالانۋعا دەگەن نيەتى بولسا بولدى، الماتى قالاسىنىڭ كەز كەلگەن جەرىندە ەكپە سالدىرۋعا بولادى. كۇن سايىن دەمالىسسىز جانە ءۇزىلىسسىز 215 ەكپە پۋنكتى جۇمىس ىستەيدى، قاجەت بولعان جاعدايدا رەزەرۆتە تاعى 250 ەكپە پۋنكتى بار»، دەپ تولىقتىردى گ.ىسقاقوۆا.

قوعامدىق دەنساۋلىق باسقارماسى سپيكەرىنىڭ ايتۋىنشا، ۆاكتسينالانۋ كەزىندە قر دەنساۋلىق ساقتاۋ مينيسترلىگىنىڭ «ۆاكتسيناتسيا» اقپاراتتىق بازاسىندا تىركەۋ جۇرگىزىلەدى.

«ۆاكتسينانىڭ ەكىنشى كومپونەنتىن العاننان كەيىن، ەگوۆ بازاسىندا اۆتوماتتى تۇردە ءۇش تىلدە، قازاق، ورىس جانە اعىلشىن تىلدەرىندە ەلەكتروندىق ۆاكتسينا پاسپورتى پايدا بولادى. ونى E-Gov mobile موبيلدىك قوسىمشاسى ارقىلى كورۋگە بولادى، ول ءۇشىن ونى سمارتفونعا جۇكتەپ، تىركەلۋ جەتكىلىكتى جانە ەتسق قاجەت ەمەس»، دەپ ءتۇسىندىردى گ.ىسقاقوۆا.

قاجەت بولعان جاعدايدا، ۆاكتسينالانۋدىڭ ەلەكتروندىق پاسپورتى ارقاشان ۇيالى تەلەفوندا، ونى جۇكتەپ، باسىپ شىعارۋعا دا بولادى. شەتەل ازاماتتارىنا ۆاكتسينا الۋ تۋرالى تەك مەديتسينالىق انىقتاما بەرىلەدى، ويتكەنى ولاردا جسن جوق.

گ. ىسقاقوۆانىڭ ايتۋىنشا، الماتىلىقتار كوروناۆيرۋسقا قارسى ەكپە ناۋقانىنا جاۋاپكەرشىلىكپەن كەلۋدە، اسىرەسە اعا بۋىن بەلسەندى. قازىردىڭ وزىندە ۆاكتسينانى 65 جاستان اسقان 31 مىڭنان استام ازامات الدى، ۆاكتسينالانعانداردىڭ اراسىندا 90 جاستاعى ادامدار تىركەلگەن. مەديتسينا قىزمەتكەرلەرىنىڭ ايتۋىنشا، اعا بۋىن ۆاكتسينادان جەڭىل وتۋدە، جاناما اسەرلەر بايقالمادى.

سونىمەن قاتار ەلدىڭ ءار تۇرعىنى ۆاكتسينا ءتۇرىن تاڭداۋعا قۇقىلى. ياعني قازاقستاندىق QazVaq پەن رەسەيلىك «سپۋتنيك-V»، سونداي-اق قىتايدا وندىرىلگەن ۆاكتسينانى الا الادى.

قورىتىندىلاي كەلە، گ.ىسقاقوۆا جالپى سانىنىڭ 50% ۆاكتسينالاۋدان وتكەن كاسىپورىنداردىڭ قىزمەتكەرلەرى ادەتتەگى جۇمىس رەجيمى، ياعني وففلاين رەجيمىنە ورالۋى مۇمكىن ەكەنىن ايتتى. سونىمەن قاتار قاجەت بولعان جاعدايدا ۆاكتسينانىڭ ەكىنشى كومپونەنتىن بۇرىنعى كەستە بويىنشا 21 كۇننەن كەيىن دە الۋعا بولادى. ول ءۇشىن ەكپە پۋنكتىنە حابارلاسىپ، ەرىكتى تۇردە ءوتىنىش جازۋ قاجەت. ازىرگە قر باس مەملەكەتتىك سانيتارلىق دارىگەرىنىڭ قاۋلىسىنا سايكەس ەكىنشى ەكپە 45 كۇننەن كەيىن الىنادى.

سوڭعى جاڭالىقتار

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار