ەكونوميكا • 06 مامىر، 2021

ەلىمىزدەگى سوعىسى ارداگەرلەرىنە قانشالىقتى كوڭىل بولىنەدى؟

13 رەت كورسەتىلدى

قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ ەكىنشى دۇنيەجۇزىلىك سوعىس ارداگەرلەرىنە زەينەتاقىنى ەسكەرگەندە قانشا تولەم جاسالاتىنىن ايتتى، دەپ حابارلايدى Egemen.kz.

«ەلىمىز تاۋەلسىزدىك العالى 30 جىل ىشىندە ارداگەرلەر مەن تىل ەڭبەككەرلەرىنە قامقورلىق كورسەتۋ، ولاردىڭ ءومىر ءسۇرۋ ساپاسىن ارتتىرۋ – مەملەكەتتىڭ الەۋمەتتىك ساياساتىنىڭ باستى باسىمدىقتارىنىڭ ءبىرى بولىپ كەلە جاتىر.

قارت ادامداردى الەۋمەتتىك قورعاۋ شارالارى ورتالىق جانە جەرگىلىكتى دەڭگەيلەردە جۇزەگە اسىرىلادى. جىل سايىن زەينەتاقى جانە وزگە دە الەۋمەتتىك تولەمدەر كولەمى ۇلعايۋدا. 2021 جىلعى 1 قاڭتاردان باستاپ بازالىق زەينەتاقى 5 پايىزعا جانە ىنتىماقتى زەينەتاقى 7 پايىزعا، الەۋمەتتىك تولەمدەر 5 پايىزعا ارتتىرىلدى. قابىلدانىپ جاتقان شارالار حالىقارالىق پراكتيكادا قولدانىلىپ جۇرگەن جوعالتىلعان تابىستى الماستىرۋ ستاندارتىن (40%) ارتتىرۋعا مۇمكىندىك بەردى، ول قازاقستاندا بازالىق جانە ورتاق زەينەتاقى تولەمدەرى ەسەبىنەن 49،9 پايىزدى قۇرايدى»، دەدى ەرلان اۋكەنوۆ.

ونىڭ ايتۋىنشا، وزگە الەۋمەتتىك تولەمدەرگە قاراماستان، ازاماتتاردىڭ 20 پايىزى (ونىڭ ىشىندە سوعىسقا قاتىسۋشىلار، تىل ەڭبەككەرلەرى، اقتالعان ازاماتتار جانە ت.ب.) ارناۋلى مەملەكەتتىك جاردەماقى الادى. وسى جىلدىڭ 1 مامىرداعى جاعداي بويىنشا زەينەتاقىنى ەسكەرگەندە الەۋمەتتىك تولەمدەردىڭ ورتاشا جيىنتىق مولشەرى، ەكىنشى دۇنيەجۇزىلىك سوعىسىنا قاتىسۋشىلارى ءۇشىن – 182 851 تەڭگە، ەكىنشى دۇنيەجۇزىلىك سوعىسى مۇگەدەكتەرى ءۇشىن – 188 051 تەڭگە، باسقا مەملەكەتتەر اۋماعىنداعى سوعىس ارداگەرلەرىنە (اۋعانستاندا، ۆەتنامدا، الجيردە، ەگيپەتتە، يراكتا جانە ت. ب.) – 198 801 تەڭگە،  ەكىنشى دۇنيەجۇزىلىك سوعىس قاتىسۋشىلارىنا تەڭەستىرىلگەن ادامدار ءۇشىن – 154 638 تەڭگە،  ەكىنشى دۇنيەجۇزىلىك سوعىس مۇگەدەكتەرىنە تەڭەستىرىلگەن ادامدار ءۇشىن-119 562 تەڭگە، ەكىنشى دۇنيەجۇزىلىك سوعىس جىلدارىنداعى تىل ەڭبەككەرلەرىنە - 120 112 تەڭگەنى قۇرايدى.

«سونداي-اق جەرگىلىكتى اتقارۋشى ورگاندار بيۋدجەت جانە دەمەۋشىلىك قاراجات ەسەبىنەن ارداگەرلەرگە قيىن ومىرلىك جاعدايدا نەمەسە مەرەكە كۇندەرى ماتەريالدىق كومەك تۇرىندە قوسىمشا الەۋمەتتىك قولداۋ شارالارىن كورسەتەدى. وعان تۇرعىن ءۇيدى جوندەۋ، وتىنمەن قامتاماسىز ەتۋ، قوعامدىق كولىكتە جول ءجۇرۋ جەڭىلدىكتەرى، ءدارى-دارمەكپەن قامتاماسىز ەتۋ، ءتىس پروتەزدەۋ جانە تاعى باسقالار كىرەدى»، دەدى ۆيتسە-مينيستر.

 

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار