وقيعا • 06 مامىر، 2021

الماتىلىق ازاماتتىڭ ۆاكتسينادان قايتىس بولعانى راس پا؟

2619 رەت كورسەتىلدى

ۆاكتسينا العان سوڭ قايتىس بولدى دەگەن اقپاراتتىڭ تاراۋىنا بايلانىستى الماتى قالالىق قوعامدىق دەنساۋلىق باسقارماسى تۇسىنىكتەمە بەردى، دەپ حابارلايدى Egemen.kz.

1979 جىلى تۋعان ازامات ب.نۇرتازين بيىل 12 ءساۋىر كۇنى ەمحاناعا كوروناۆيرۋستىق ينفەكتسياعا قارسى ۆاكتسينانىڭ العاشقى دوزاسىن الۋ ءۇشىن جۇگىنگەن. پروتسەدۋرا حاتتاماعا سايكەس ءوتتى. ەكپەدەن كەيىن ب.نۇرتازين 30 مينۋت بويى باقىلاۋدا بولعان، ەشقانداي شاعىم جاساماعان.

21 كۇننەن كەيىن ۆاكتسينانىڭ ەكىنشى كومپونەنتىن العان. دارىگەرلەر قاراعان كەزدە جاعدايى قاناعاتتاندىرارلىق بولعان، ەكپە پروتسەدۋراسىنان كەيىن 30 مينۋت باقىلاۋدا بولىپ، ب.نۇرتازين ۇيىنە كەتكەن.

جاعدايى ۇيىندە ناشارلاعان. جەدەل جاردەم كەلگەنگە دەيىن قايتىس بولعان.

«الدىن الا بولجامدارعا سايكەس، جەدەل جۇرەك-قانتامىر جەتىسپەۋشىلىگىنەن قايتىس بولعان. قايتىس بولۋ سەبەپتەرىن انىقتاۋ ءۇشىن تەرگەۋ جۇرگىزىلىپ جاتىر، سوت-مەديتسينالىق ساراپتاما باستالدى. ناتيجەلەر قوسىمشا حابارلاناتىن بولادى»،  دەيدى قالالىق ىشكى ىستەر باسقارماسى وكىلدەرى.

ناقتى دياگنوز گيستولوگيالىق زەرتتەۋدەن كەيىن بەلگىلى بولادى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار