قازاقستان • 06 مامىر، 2021

مەكتەپ تۇلەكتەرىنىڭ قورىتىندى اتتەستاتتاۋى 28 مامىردا باستالادى

24 رەت كورسەتىلدى

تۇلەكتەردىڭ قورىتىندى اتتەستاتتاۋى 28 مامىردا باستالادى، دەپ حابارلايدى Egemen.kz بعم ءباسپاسوز قىزمەتىنە سىلتەمە جاساپ.

9 (10) - سىنىپ وقۋشىلارىنىڭ قورىتىندى ءبىتىرۋ ەمتيحاندارى 2021 جىلعى 28 مامىر مەن 5 ماۋسىم ارالىعىندا وتەدى. ولار قورىتىندى اتتەستاتتاۋدى ءۇش ءپان بويىنشا تاپسىرادى: وقىتۋ ءتىلى بويىنشا ەسسە نىسانىندا جازباشا ەمتيحان; ماتەماتيكادان (الگەبرادان) جازباشا ەمتيحان; وزگە تىلدەردە وقيتىن سىنىپتاردا قازاق ءتىلى مەن ادەبيەتى بويىنشا جازباشا ەمتيحان جانە قازاق تىلىندە وقىتاتىن سىنىپتارداعى ورىس ءتىلى مەن ادەبيەتى بويىنشا جازباشا ەمتيحان.

11 (12) - سىنىپ وقۋشىلارىنىڭ مەملەكەتتىك ءبىتىرۋ ەمتيحاندارى 2021 جىلعى 1-10 ماۋسىم ارالىعىندا وتەدى. مەكتەپ بىتىرۋشىلەر ءتورت ءپان بويىنشا ەمتيحان تاپسىرادى: وقىتۋ ءتىلى بويىنشا ەسسە نىسانىندا جازباشا ەمتيحان; الگەبرا جانە اناليز باستامالارى پانىنەن جازباشا ەمتيحان; قازاقستان تاريحىنان تەستىلەۋ; وزگە تىلدەردە وقىتاتىن مەكتەپتەردە قازاق تىلىنەن جانە قازاق تىلىندە وقىتاتىن مەكتەپتەردە ورىس تىلىنەن تەستىلەۋ.

2020-2021 وقۋ جىلىن 3،4 ملن استام وقۋشى اياقتاپ جاتىر. ولاردىڭ ىشىندە 150 مىڭعا جۋىعى — 11 (12) - سىنىپ تۇلەكتەرى، 270 مىڭعا جۋىعى — 9 - سىنىپ وقۋشىلارى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار