ءىس-شاراعا قاتىسۋشىلار اۋەلى ايماق سۋرەتشىلەرىنىڭ تۋىندىلارىنان جاساقتالعان «سىر ەلى سۋرەتشى كوزىمەن: كەشە جانە بۇگىن» اتتى جىلجىمالى كورمەنى تاماشالادى.
وبلىستىق ىشكى ساياسات باسقارماسىنىڭ باسشىسى ميرا قازبەكوۆا قاتىسۋشىلاردى بىرلىك مەرەكەسىمەن قۇتتىقتاپ, دوڭگەلەك ۇستەل جۇمىسىنىڭ ماڭىزدىلىعىنا توقتالدى. ەل تاتۋلىعىنىڭ تاۋەلسىزدىك تۇعىرىنا اينالعاندىعى ايتىلعان جيىندى پارلامەنت ءماجىلىسىنىڭ دەپۋتاتى باقىتبەك سماعۇل «ىنتىماق, بىرلىك, كەلىسىم, ەڭ اسىل باقىت ەل ءۇشىن» تاقىرىبىنداعى بايانداماسىمەن جالعاستىردى. ۇعا اكادەميگى قىلىشباي بيسەنوۆ «ەلباسى جانە تاۋەلسىزدىك: تاتۋلىق پەن كەلىسىم جولى», وبلىستىق نەمىس ەتنومادەني بىرلەستىگىنىڭ مۇشەسى سۆەتلانا كريۋگەر «بەيبىتشىلىك پەن كەلىسىم – ءبىزدىڭ ورتاق مۇددەمىز» تاقىرىبىندا بايانداما جاسادى.
قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى, قحا جانىنداعى «اباي قازىناسىنا ساياحات» كلۋبىنىڭ جەتەكشىسى ەلەنا پاك پەن وبلىستىق «كىزىلوردينسكيە ۆەستي» گازەتىنىڭ جاۋاپتى حاتشىسى, جۋرناليست كيريلل دەنيسوۆ بىرلىگى مول ەلدىڭ ەرتەڭى جارقىن بولاتىنى جايلى تۇشىمدى پىكىر ايتتى.
قىزىلوردا
