COVID-19-عا قارسى ۆاكتسينانىڭ ءبىرىنشى دوزاسىن ەرىكتى نەگىزدە 1 293 379 ادام جانە 266457 ادام ۆاكتسينانىڭ ەكىنشى دوزاسىن الدى.
الەمدىك رەيتينگىنە سايكەس قازاقستان 177 ەلدىڭ ىشىندە 30 ساۋىردەگى جاعداي بويىنشا كوروناۆيرۋستىق ينفەكتسياعا قارسى ۆاكتسيناتسيالانعانداردىڭ ءابسوليۋتتى سانى بويىنشا 51 - ورىندا تۇر.
ۆاكتسيناتسيا قارقىنى قازىر ازاماتتاردىڭ وزدەرىنىڭ سانالى كوزقاراسىنا, جاقىندارىنىڭ دەنساۋلىعى مەن جالپى يممۋنيتەتتىڭ پايداسىنا ولاردىڭ دۇرىس تاڭداۋىنا بايلانىستى ەكەنىن اتاپ وتكەن ءجون.
بۇل رەتتە, ۆاكتسيناتسيا ەرىكتى نەگىزدە جۇزەگە اسىرىلادى جانە ەل تۇرعىندارىنىڭ ۆاكتسينالاردىڭ ءۇش ءتۇرىن (SputnikV, QazVac جانە HayatVax) تاڭداۋ مۇمكىندىگى بار.
رەسپۋبليكا بويىنشا 2021 جىلعى 30 ساۋىردەگى ۆاكتسيناتسيالاۋدىڭ تاۋلىكتىك قارقىنى 109 مىڭعا دەيىن ءوستى جانە اعىمداعى جىلعى 1 ساۋىردەگى دەرەكتەرمەن سالىستىرعاندا 11 ەسەگە ۇلعايدى.
حالىق بەلسەندىلىگىنىڭ وسى قارقىنىن ساقتاۋ اي سايىن شامامەن 2 ملن.حالىقتى ۆاكتسيناتسيالاۋمەن قامتۋدى قامتاماسىز ەتۋگە مۇمكىندىك بەرەدى.
قازاقستاندا قولدانىلاتىن ۆاكتسينالار قاۋىپسىزدىك پەن تيىمدىلىككە تەكسەرۋدەن ءوتتى, سوندىقتان ولار كوروناۆيرۋستىق ينفەكتسيانى جۇقتىرۋعا قارسى دالەلدەنگەن قۇرال بولىپ تابىلادى. بۇگىنگى تاڭدا تەك ۆاكتسيناتسيا ەلدەگى ەپيدەميولوگيالىق جاعدايدى تۇراقتاندىرۋعا مۇمكىندىك بەرەتىنىن ەستەن شىعارماۋ كەرەك.
قازىرگى ۋاقىتتا بۇكىل الەمدە كورونوۆيرۋستىق ينفەكتسيانىڭ تارالۋىنىڭ كۇرت ءوسۋى بايقالادى. وسىلايشا, دۇنيەجۇزىلىك دەنساۋلىق ساقتاۋ ۇيىمىنىڭ ستاتيستيكالىق دەرەكتەرىنە سايكەس اعىمداعى جىلعى 30 ساۋىردەگى جاعداي بويىنشا COVID – 19 جۇقتىرۋدىڭ 151 104 146 جاعدايى تىركەلدى, ونىڭ ىشىندە 128 987 465 ادام قالپىنا كەلدى, 3 178 208 قايتىس بولدى, ءولىم – ءجىتىم كورسەتكىشى 2,1% – دى قۇرايدى.
ءبىر تاۋلىك ىشىندە 879 586 جاعداي تىركەلگەن, كوروناۆيرۋستىق ينفەكتسيامەن اۋىراتىنداردىڭ جالپى سانىنىڭ ءوسۋى – 0,6% قۇرايدى.
