«قازاق ونەرى اۋىر قازاعا ۇشىرادى. تاعى ءبىر دارحان جۇرەكتى حالقىمىزدىڭ دارا پەرزەنتىنىڭ جۇرەگى توقتادى. بار بولمىسى ەلىم دەپ جىرلايتىن ەسكەندىر اعامىز كوش-كەرۋەنگە ىلەسىپ, كەلمەستىڭ كەمەسىنە ءمىنىپ ارامىزدان كەتە باردى دەگەن سۋىت حاباردى ەستىپ, قابىرعام قايىسىپ وتىر. قر مəدەنيەت جəنە سپورت مينيسترلىگىنىڭ اتىنان تانىمال ءəنشى, كومپوزيتور, پروفەسسور, مەملەكەتتىك سىيلىقتىڭ لاۋرەاتى, «قۇرمەت», «وتان» وردەنىنىڭ, «پلاتينالى تارلان» سىيلىعىنىڭ يەگەرى ەسكەندىر وتەگەن ۇلى حاسانعاليەۆتىڭ قايتىس بولۋىنا بايلانىستى حاسانعاليەۆتەر əۋلەتىنىڭ قايعىسىنا ورتاقتاسىپ, كوڭىل ايتامىن», دەپ جازدى ا. رايىمقۇلوۆا Facebook پاراقشاسىندا.
مينيستر ە. حاسانعاليەۆتىڭ عيبراتتى عۇمىرىن əن مەن ساز əلەمىنە ارناپ, قازىرگى قازاق ەستراداسىنىڭ نەگىزىن قالاعان ونەر يەسى, وتباسى مەن ورتاسىنا قورعان بولعان ابزال ازامات بولعانىن جازدى.
«اعامىزدىڭ «اتامەكەن», «ادەمى», «اسىل ارمان», ء«ومىرىمنىڭ جازى», «ەسكىرمەگەن ماحاببات» وزگە دە اندەرىن بىلمەيتىن قازاق جوق. شەت مەملەكەتتەردە دە تىڭدارماننىڭ ىستىق ىقىلاسىنا بولەنگەن تۋىندىلارى ءبىزدىڭ ارامىزدا مəڭگى ءومىر سۇرەدى. مانەرلى مۋزىكاسىمەن وزىندىك قولتاڭباسىن قالىپتاستىرعان ەسكەندىر حاسانعاليەۆتىڭ شىعارماشىلىعى قازاق مəدەنيەتىنىڭ قۇندى قازىناسى. ونەر مايتالمانىنىڭ اسىل بەينەسى قالىڭ قازاقتىڭ كوڭىل ءتورى مەن جۇرەك تۇكپىرىندە مəڭگى ساقتالادى. مارقۇمنىڭ كوزى تىرىسىندە جاساعان يگى-جاقسى امالدارى الدىنان جارىلقاسىن. جاتقان جەرى جايلى, توپىراعى تورقا بولسىن», دەدى مادەنيەت جانە سپورت ءمينيسترى.
ەسكەندىر وتەگەن ۇلى حاسانعاليەۆ 1940 جىلى 13 اقپاندا باتىس قازاقستان وبلىسىندا تۋعان. 1959 جىلى قۇرمaنعaزى aتىندaعى Aلمaتى مەملەكەتتiك كونسەرۆaتورياسىنىڭ ۆوكaلدى-حور فaكۋلتەتiن, 1978 جىلى ءال-فaرaبي aتىندaعى شىمكەنت مادەنيەت ينستيتۋتىن ءبىتىردى. ءومىرىن ونەرگە ارناعان حاسانعاليەۆتىڭ «اتامەكەن», «ادەمى», «اسىل ارمان», ء«ومىرىمنىڭ جازى», «ەسكىرمەگەن ماحاببات» اندەرىن بىلمەيتىن قازاق جوق.
ەسكەندىر حاسانعاليەۆ – قازاقتىڭ ءان ونەرىنە زور ۇلەسىن قوسقان سازگەر. ونىڭ رەپەرتۋارىنداعى اۆتورلىق تۋىندىلارى ەل جۇرەگىنەن ويىپ تۇرىپ ورىن العان. شىعارماشىلىق عۇمىرىندا ورىس, تاتار, نەمىس اقىندارىنىڭ ولەڭدەرىنە دە ءان جازعان. 200-گە جۋىق ءان, رومانس جانە حورعا ارنالعان شىعارمالاردىڭ اۆتور بولدى.
ەسكەندىر حاسانعاليەۆ پەن جۇبايى داريكو حاسانعاليەۆانىڭ ەكى قىزى مەن ءبىر ۇلى بار.
