مادەنيەت جانە سپورت مينيسترلىگىنىڭ مالىمەتىنشە, مەملەكەتتىك شىعارماشىلىق جانە سپورتتىق تاپسىرىستاردى جۇزەگە اسىرۋ جەرگىلىكتى اتقارۋشى ورگاندارعا جۇكتەلگەن.
ال مەملەكەتتىك تاپسىرىستاردىڭ وپەراتورى رەتىندە نۇر-سۇلتان, الماتى, شىمكەنت قالالارىنىڭ, وبلىستاردىڭ مادەنيەت جانە سپورت باسقارمالارى بەكىتىلگەن.
«مەملەكەتتىك شىعارماشىلىق جانە سپورتتىق تاپسىرىستاردىڭ جەتكىزۋشىسى رەتىندە كەز كەلگەن جەكە كاسىپكەر نە زاڭدى تۇلعا بولۋى مۇمكىن. ونىڭ مەنشىك فورماسى ماڭىزدى ەمەس. باستىسى, زاڭمەن بەكىتىلگەن مەرزىمدە ساپالى قىزمەت كورسەتىلۋ قاجەت. ال قىزمەت الۋشى - 4-17 جاسقا دەيىنگى بالالار, ولاردىڭ مۇددەسىن زاڭدى وكىلدەرى قورعايدى. قابىلدانعان ەرەجەلەر ۆاۋچەرلىك جۇيە سەكىلدى جۇمىس ىستەيدى. وعان سايكەس, بالالار اراسىنداعى بوس ورىندار, ولاردىڭ كەزەگىنە سايكەس, مەنشىكتى ۆاۋچەردىڭ بەرىلۋى ارقىلى تاڭداعان قىزمەت كورسەتۋشىسىنە بولىنەدى», دەدى مينيسترلىكتەن.
بالالار كونتينگەنتىن تولتىرۋ, باسقا دا قىزمەت كورسەتۋشىنىڭ, وپەراتور مەن بالانىڭ زاڭدى وكىلىنىڭ فۋنكتسيونالدىق قوسالقى قىزمەتتەرى, وسىعان قاتىستى پروتسەسستەر قىزمەت كورسەتۋشى مەن بالانىڭ زاڭدى وكىلىنە تەگىن نەگىزدە جۇزەگە اسىرىلادى. سونداي-اق ەرەجەدە شىعارماشىلىق ۇيىرمەلەر مەن سپورتتىق سەكتسيالاردىڭ جۇمىس ىستەۋىنە قاتىستى, ونىڭ ىشىندە عيماراتتاردى جابدىقتاۋعا بايلانىستى ارنايى تالاپتار كوزدەلگەن. مەملەكەتتىك شىعارماشىلىق جانە سپورتتىق تاپسىرىستاردى جەتكىزىپ بەرۋشىلەردى ىرىكتەۋ كەزىندە اشىقتىقتى قامتاماسىز ەتۋ, شىعارماشىلىق ۇيىرمەلەر جانە سپورتتىق سەكتسيالارعا باراتىن بالالاردىڭ كەزەگىن ساقتاۋ, جانە وسىعان قاتىستى بارلىق پروتسەدۋرالاردىڭ دۇرىس ءجۇرۋى ەلەكتروندى فورماتتا, بىرىككەن اقپاراتتىق جۇيە نەگىزىندە جۇزەگە اسىرىلادى.
بۇگىندە مادەنيەت جانە سپورت مينيسترلىگى تسيفرلىق دامۋ, يننوۆاتسيا جانە اەروعارىش ونەركاسىبى, ءبىلىم جانە عىلىم مينيسترلىكتەرىمەن بىرلەسىپ, «Bala» اقپاراتتىق جۇيەسىن ازىرلەپ جاتىر. ول اتالعان تەتىك پروتسەسىن اۆتوماتتاندىرۋعا مۇمكىندىك بەرەدى.
28 ساۋىردەن باستاپ ەلىمىزدىڭ بىرنەشە وڭىرىندە, اتاپ ايتساق, قاراعاندى جانە پاۆلودار وبلىستارىندا اقپاراتتىق جۇيەنى اپروباتسيادان وتكىزۋ باستالىپ كەتتى. 29 ساۋىردەن «Bala» اقپاراتتىق جۇيەسىنە ەلىمىزدىڭ وبلىس ورتالىقتارى مەن رەسپۋبليكالىق ماڭىزى بار قالالاردا قوسىلدى.
