پرەزيدەنت • 30 ءساۋىر، 2021

پرەزيدەنت: قىرعىز بەن تاجىك باسشىلارى ماسەلەلەردى بەيبىت جولمەن شەشەتىنىنە سەنىمدىمىن

100 رەت كورسەتىلدى

كەشە تۇندە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قىرعىز-تاجىك مەملەكەتتىك شەكاراسىنداعى جاعدايعا بايلانىستى مالىمدەمە جاسادى، دەپ حابارلايدى Egemen.kz اقورداعا سىلتەمە جاساپ.

«قىرعىزستان مەن تاجىكستاننىڭ مەملەكەتتىك شەكاراسىنداعى قارۋلى قاقتىعىس تۋرالى اقپاراتتى اسقان الاڭداۋشىلىقپەن قابىلدادىم.

قىرعىز بەن تاجىك حالىقتارى ءبىزدىڭ باۋىرلارىمىز، تاريحىمىز بەن مادەني قۇندىلىقتارىمىز ورتاق.

ءبىزدىڭ مەملەكەتتەرىمىز بەن حالىقتارىمىزعا بەيبىتسۇيگىشتىك، توزىمدىلىك پەن ءوزارا سىيلاستىق ءتان.

قارۋلى قاقتىعىستى توقتاتۋ تۋرالى كەلىسىمدى جانە ەكى مەملەكەتتىڭ ۋاكىلەتتى وكىلدەرى اراسىندا كەلىسسوزدەردىڭ باستالعانىن قولدايمىن.

قىرعىزستان مەن تاجىكستان باسشىلىعى دانالىق تانىتىپ، بارلىق داۋلى ماسەلەلەردى تەك قانا بەيبىت جولمەن شەشەتىنىنە سەنىمدىمىن.

ءوز تاراپىمنان ماسەلەنى شەشۋدىڭ ءتيىمدى جولدارىن قاراستىرۋعا جانە ءوزارا سەنىمدى قايتا قالپىنا كەلتىرۋگە كۇش سالۋعا دايىنمىن.

ورتالىق ازيا مەملەكەتتەرى باسشىلارىنىڭ كەزەكتى كونسۋلتاتيۆتىك كەزدەسۋى اياسىندا مۇنداي شەكارالىق قاقتىعىستاردى رەتتەۋدىڭ تەتىكتەرىن قاراستىرۋ قاجەت دەپ سانايمىن»، دەلىنگەن مالىمدەمەدە.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

الداعى كۇندەرى كۇن سۋىتادى

اۋا رايى • بۇگىن، 11:55

ۇقساس جاڭالىقتار