دوڭگەلەك ۇستەل ونلاين رەجيمدە ءوتتى.
قاتىسۋشىلار ەلورداداعى قازىرگى ەپيدەميولوگيالىق جاعدايدى, سونداي-اق كوروناۆيرۋستىڭ تارالۋىنىڭ الدىن الۋ شارالارىن جانە حالىقتى جاپپاي ۆاكتسيناتسيالاۋ جۇمىستارىن تالقىلادى.
ولار ءبىر جىلدان بەرى قاۋىپتى ۆيرۋسپەن دامىلسىز كۇرەسىپ كەلە جاتقان دارىگەرلەردىڭ جۇمىسىنا ەرەكشە نازار اۋداردى.
باقتيار ماكەن اتاپ وتكەندەي, بۇگىنگى كۇنى قالادا كۇن سايىن ورتا ەسەپپەن 300-600 كۆي جاعدايى تىركەلەدى. سالىستىرمالى تۇردە الساق, وتكەن جىلدىڭ شىلدەسىندە بۇل تسيفر 180-200 بولاتىن. ەپيدەميولوگيالىق جاعدايدى باعالاۋ بويىنشا نۇر-سۇلتان ءبىر ايدان استام ۋاقىت «قىزىل ايماقتا» تۇر.
«ۆاكتسيناتسيا — بۇل الدىن-الۋدىڭ باستى شاراسى. سول سەبەپتى ونى قولدانۋدىڭ پايداسى ىقتيمال قاۋىپتەردەن ەداۋىر اسىپ تۇسەدى. مەملەكەت باسشىسى ق.ك. توقاەۆ ءوز سوزىندە كۆي-مەن كۇرەستەگى جالعىز سەنىمدى شەشىم ۆاكتسيناتسيا ەكەنىن ايتتى. بۇل لوكداۋنداردان شىعۋ ستراتەگياسىن الدىن-الا ويلاستىرعان ەلدەردىڭ مىسالىمەن دالەلدەندى. قازىر ولاردىڭ ەكونوميكالارى مەن ازاماتتاردىڭ كۇندەلىكتى ءومىرى پاندەميالىق قيىندىقتاردى سەزىنبەيدى. قازىرگى ۋاقىتتا حالىقتى ۆاكتسيناتسيالاۋ كوروناۆيرۋستىق ينفەكتسيامەن كۇرەستەگى ماڭىزدى كەزەڭ بولىپ سانالادى. ۇجىمدىق يممۋنيتەتتى قالىپتاستىرۋ ءۇشىن ءبىز 650 مىڭنان استام ادامدى نەمەسە قالا حالقىنىڭ 60%-ىن ۆاكتسيناتسيالاۋىمىز كەرەك», دەپ اتاپ ءوتتى اكىم ورىنباسارى.
ول بۇگىندە ەلوردادا 100 مىڭنان استام ادام ۆاكتسينانىڭ ءبىرىنشى كومپونەنتىن, ال 16 مىڭنان استامى ۆاكتسينانىڭ ەكى كومپونەنتىن العانىن ەسكە سالدى.
سونىمەن قاتار باقتيار ماكەن مەديتسينا قىزمەتكەرلەرىنىڭ كوروناۆيرۋسپەن كۇرەستە ءوز دەنساۋلىعىن قاتەرگە تىگىپ, ناۋقاستاردى ەمدەپ شىعارۋ جولىندا اتقارىپ جاتقان ەڭبەگىن ايرىقشا اتاپ ءوتتى.
«بۇگىندە ەلوردالىق دارىگەرلەر مەن مەديتسينانىڭ وزگە دە قىزمەتكەرلەرى ەكى ەسە جۇكتەمەمەن جۇمىس ىستەپ جاتىر. كوروناۆيرۋسپەن كۇرەسكە ءتورت مىڭنان استام مەديتسينا قىزمەتكەرى جۇمىلدىرىلدى. دارىگەرلەر مەن قالانىڭ بارلىق مەديتسينالىق قىزمەتكەرى ءبىر جىلدان استام ۋاقىت دامىلسىز جۇمىس ىستەپ كەلەدى. اق حالاتتى مامانداردىڭ ەڭبەگىن باعالاپ, كەڭەستەرى مەن ۇسىنىستارىنا قۇلاق اسۋىمىز كەرەك. ءبىزدىڭ الدىمىزدا ۇجىمدىق يممۋنيتەتتى قالىپتاستىرۋدىڭ جالپى مىندەتى تۇر. ازاماتتىق قوعام ەلوردامىزدا بولىپ جاتقان الەۋمەتتىك, قوعامدىق ماسەلەلەردە شەت قالماۋى ءتيىس. قازىر ازاماتتىق قوعامنىڭ ۆاكتسيناتسيا ماسەلەلەرىندەگى بەلسەندىلىگى ماڭىزدى. وزدەرىڭىز بىلەتىندەي, باستاپقىدا جۇرت ۆاكتسيناتسياعا اسا ساقتىقپەن قاراعان بولاتىن. بىراق ۆاكتسينادان باس تارتۋ دەنساۋلىققا قاۋىپتى ەكەنىن تۇسىنگەننەن كەيىن ۆاكتسيناتسيالانعانداردىڭ قاتارى تولا باستادى», دەپ تۇيىندەدى ب.ماكەن.
ول كەزدەسۋگە قاتىسۋشىلاردى كۆي-گە قارسى ۆاكتسيناتسيانىڭ ماڭىزدىلىعى تۋرالى ازاماتتاردى ءتۇسىندىرۋ جانە اقپاراتتاندىرۋ جۇمىسىندا بەلسەندىلىك تانىتۋعا, قالىپتى ومىرگە ورالۋ ءۇشىن, سول سياقتى ءبىر جىلدان استام ۋاقىت وتباسىلارىنان جىراقتا, دەمالىسسىز كەلە جاتقان مەديتسينا قىزمەتكەرلەرىنىڭ جۇمىسىن جەڭىلدەتىپ, قالانىڭ دەنساۋلىق ساقتاۋ جۇيەسىن جەڭىلدەتۋگە شاقىردى.
دوڭگەلەك ۇستەلگە قاتىسۋشىلار اراسىندا V شاقىرىلعان قازاقستان رەسپۋبليكاسى پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى نادەجدا پەتۋحوۆا, «ۇلتتىق عىلىمي مەديتسينالىق ورتالىق» اق باسقارما توراعاسى, مەديتسينا عىلىمدارىنىڭ دوكتورى اباي بايگەنجين, نۇر-سۇلتان قالاسى اكىمدىگىنىڭ «كوپبەيىندى مەديتسينالىق ورتالىق» شجق مكك ديرەكتورىنىڭ ورىنباسارى ساۋلە اتىعاەۆا, نۇر-سۇلتان قالالىق فتيزيوپۋلمونولوگيا ورتالىعىنىڭ ديرەكتورى اننا تسەپكە جانە ت.ب. بولدى.
