ASTANA TV تەلەارناسىنىڭ مالىمەتىنشە, ەر ادام قۇجاتتاردىڭ سۋرەتىن الەۋمەتتىك جەلىلەردەن تاپقان, عالامتورداعى قۇجاتى جوعالعان ادامداردىڭ حابارلامالارىن كورىپ, قۇجات سۋرەتتەرىن وزىنە ساقتاپ الىپ وتىرعان. ءبىراز ۋاقىتتان كەيىن جابىرلەنۋشىلەر اتىندا نەسيەسى بار ەكەنىن جانە تولەمدى كەشىكتىرگەنى تۋرالى بانكتەن حابارلاسقاندىعىن ايتقان.
«مەن نەسيەگە جيھاز العىم كەلگەن, الايدا بانك ءوتىنىشىمدى قاناعاتتاندىرمادى. نەسيە تاريحىمنىڭ جاقسى ەكەنىن بىلەتىنمىن, ال بانك مەنەدجەرى مەنىڭ اتىمدا تولەنبەگەن نەسيە بارىن ايتتى. ونى ءوزىم دە تەكسەرىپ كوردىم, راسىمەن دە كەشىكتىرىلگەن نەسيەم بار ەكەن. بىراق مەن ونى العان جوقپىن», دەدى پەتروپاۆل قالاسىنىڭ سايات ەسىمدى تۇرعىنى.
الاياقتىق جاساعان كۇدىكتى ەر ادام ۇستالدى, قازىر تەرگەۋ امالدارى ءجۇرىپ جاتىر.
«تابىلعان جەكە كۋالىكتەردى حالىققا قىزمەت كورسەتۋ ورتالىعىنا اكەلۋ قاجەت. ءبىز ولاردى دەرەكتەر بازاسىنا ەنگىزەمىز جانە جويامىز, قۇجات سول ساتتەن باستاپ جارامسىز بولىپ تابىلادى», دەدى سقو پوليتسيا دەپارتامەنتى كوشى-قون قىزمەتى باسقارماسىنىڭ اعا ينسپەكتورى دينارا ايتقوجينا.
